2023-01-09

4.6K

【家長注意】陌生男輕鐵撩小妹妹請飲嘢 熱心街坊解救:嗰刻我都震震哋!

常言道:「多一事不如少一事」,但有時寧願多事總好過真的有事發生!有屯門街坊在社交媒體群組發文,指日前乘坐輕鐵時,目睹一名陌生男子在空盪的車廂不停撩一個獨自坐車的小妹妹聊天,更突然拿出飲品請小妹妹喝,乘機坐到小妹妹旁邊。陌生男子奇怪的舉動令街坊覺得有危險,即鼓起勇氣挺身而出為小妹妹解圍,拍拍陌生男膊頭,示意自己和小妹妹是一起的,「個刻我都震震哋,始終個陣架車無乜人!」

根據傳媒報導,該名熱心女街坊在Facebook群組「真‧屯門友」發文分享經歷,指日前(5日)在屯門碼頭坐輕鐵,上車後車廂空盪、超多位坐,她見到有個男人坐單丁位,另一個小妹妹獨自坐在兩人座,她就坐在該男人後面的單丁位。但男人突然「無啦啦」撩小妹妹聊天,又問佢考試之類的事情,小妹妹有回答,但「講講下嘢,男人話畀支嘢飲小妹妹」。小妹妹醒目即時拒絕,但陌生男未有停止行為,更乘機坐在她隔離,「跟手坐埋去小妹妹隔籬,然後個男人仲要講,『一陣會好多人,我坐埋過嚟同你坐』。」

女街坊目睹整個過程,心知不妙,「我覺得件事好似會危險喇」,她便鼓起勇氣起身,上前拍拍該男子膊頭,示意自己是和妹妹一起坐車的,「嗰刻我都震震哋,始終嗰陣架車無乜人,仲要尾卡,車長都未必發生咩事。」幸好陌生男之後自行坐回原本的單丁位,她即問小妹妹是否認識該男子,「妹妹話唔識,我就叫佢,你自己要小心,唔好畀佢坐隔籬」。

女街坊指之所以覺得危險,是因為車廂內由頭到尾都超多空位,陌生男本身有位坐,無必要坐去妹妹隔離,「仲要三唔識七無啦啦送支飲嘢畀妹妹」。她目擊整件事情,擔心陌生男坐過去後,待其他乘客陸續上車時,會以為兩人是認識同行,「仲要坐咗(尾卡)車頭,發生咩事,其他人根本見唔到」。

她坦承自己沒有明確證據,證明陌生男是圖謀不軌,但寧願自己多事也不想有不愉快的事情發生,「大家真係要多多留意身邊人與物,可能大家覺得我厚多士咗,香港而家真係要萬事小心。」

帖文引起網民熱烈討論,不少人認為陌生男很可疑,大讚女街坊做得好,「妹妹好彩預到你」、「多謝樓主拔刀相助」、「你好好呀,我要學你多留意身邊事,幫到人就幫」、「你唔多事吖,你仲救咗個妹妹添」;另有人網民指出,很多小學生都是自己放學,容易成為企圖不軌的陌生人目標,「我接小朋友放學時見到,小三咁大都係冇家長接送」。

文章來源:「真‧屯門友」Facebook


相關文章

【好人好事】小朋友考試放早 熱心快餐店經理請食迷你版雪糕

屯門陌生男公園抱小學男童坐大腿 警拘一名39歲男子

小學生倒瀉水 主動借紙巾即清理 網民讚︰Email去學校表揚!

1歲童意外從3樓墜下 幸運獲路人張開雙臂接住

緊貼新冠肺炎最新相關資訊