家長帶小朋友外出時，一定要提高警覺，保護好子女，避免他們受到傷害。有港媽日前帶同4歲女兒行經屯門市廣場時，女兒突然被一名陌生男子大力拉扯頭髮不停甩，母女同被嚇得不知所措。
一名港媽向Facebook群組「屯碼牛牛」報料，指日前與4歲女兒、婆婆行屯門市廣場時，小朋友突然人有心急需要去廁所，行經廁所門口附近時，突然遭一名男子很用力地拉扯頭髮，「仲fing咗佢個頭兩吓」。
當時男子身邊有2名同行者，不停喝止著他放手。不久後男子鬆手，與同行2人不停向母女道歉。此時3名商場保安到場，港媽形容當時已嚇到魂飛魄散，「我個陣嚇到個心都離一離，都未嚟得切反應，淨係即刻抱走個囡攬實佢。而我個囡個陣係嚇到淨係知好痛同大喊。」
港媽表示，其實自己至今都不知道發生甚麼事情，現在再提起亦十分恐慌，但希望道出事件始末，讓更多人知道事件，並藉此提醒家長外出時要小心保護小朋友。
有關事件引起網民熱烈討論，有家長稱自己與小朋友外出時會「一眼關七」，「不時周圍望，尤其是有陌生人靠近佢哋時一定會盯緊，同埋用最短時間行近小朋友身邊。今次之後小朋友或多或少有陰影，暫時唔好再去嗰度住。」、「我唔止望個女，仲會望埋四周有冇人望住我個女，所有隨機行兇者都唔係隨機，一定望住獵物一陣先行兇」
更有不少網民估計該名男子可能患有精神病，「有3個人道歉，即佢身邊果2個係識個男人？可能男人有病2個人陪住佢點知突然失控」、「如果係揸白卡，報警冇用」、「有病真係唔好出街！自己不受控，身邊朋友又控制唔到佢，仲要傷害到其他人！」
資料來源：屯碼牛牛
