2020-11-05

2K

【幸福非必然】孕媽媽為摯親準備晚餐遭嫌棄 網友:「外家都唔一定可靠!」

世界上有啲事看似好簡單,但事實上,到你真正面對嗰陣,偏偏就總係超越你認知一樣...好似話到底點樣先長得似一家人?細細個讀書咪就係話你知:一家人就係你愛我、我愛你,但人大咗就成日聽到啲「打破常規」嘅故事,咁屋企人嘅定義到底係乜嘢?有血緣?可以共患難定真正用心關心你?

好似最近就有JM分享咗自己一段不愉快經歷,提到佢兩位摯親上咗佢屋企試小型燒烤爐,點知嫌三嫌四不特止,嚟咗10分鐘就話要走人,情願去食快餐:「老嗰個當自己係皇帝,後生嗰個食咗五分鐘話佢好想散 band,之後兩父子一齊走。」搞到呢位陀住BB嘅JM訓唔著之餘,仲感嘆:「諗唔明點解自己屋企人係咁。」其他JM聽到之後都肉赤佢,仲叫佢唔好唔開心,為咗無禮貌兼唔錫自己嘅人,影響BB確係唔值得!

「樓主一番心意,但佢哋咁就走咗去,真係完全唔理人感受!仲話係屋企人!樓主仲要大住個肚.....」

「嬲一定有!仲好大家食自已!佢哋冇諗過你又去買、洗、切等等!」

「好簡單,以後不用再叫嗰幾位屋企人來吃飯。如無可避免,佢哋每次來,你叫外賣吧。」

「真係難招呼,唔好食都唔使做到咁出面!」

討論區熱話:屋企人食我整嘅嘢黑晒面要走人

討論區熱話:屋企人食我整嘅嘢黑晒面要走人

睇完呢位JM分享,Juciy媽都戥佢超唔抵,唔講偏心唔偏心、啱唔啱胃口,呢兩位挈親簡直連做人嘅基本禮貌都無!唔係話「屋企人」就可以恃熟賣熟,都要照顧下人哋感受呀!搞完一輪唔領情都算,真係用不著要咁講嘢!

其實做屋企人真係好講緣份,唔係掛個名係「阿爸」、「阿媽」就一定寫包單錫自己、愛自己,雖然有時候諗落都真係幾無奈,而且望見「其他人」嘅屋企人都唔係咁就仲心悒,但現實世界就係咁現實,現實所發生嘅事,真係周不時仲勁過啲狗血劇集!經歷呢啲事,再去諗都確係無奈又無謂,畢竟佢哋都活咗咁多年人,如果覺得有問題晨早就改咗,所以「經一事,長一智」自己明白當中嘅唔好受,將來唔好好似「屋企人」咁對自己仔女,亦教識仔女要有禮貌就已經夠!

展望未來生活美好之餘,連吸啖空氣都清新啲!JM加油!

【編按:以上內容為作者之個人意見及立場】

相關文章

【過份寵愛】嫲嫲唔准孫仔自己落街買早餐搭巴士 媽媽:阿仔已經18歲!

爸媽催生BB承諾幫手湊如今呻辛苦怨無錢收 阿仔感無奈

【跟住小編做媽咪】家有豬隊友!BB爆喊聽唔到?貪玩湊仔玩出禍?

【兩代待遇大不同】孫仔唔食飯公公逐啖餵 女兒:當年倒晒我哋碗飯

緊貼新冠肺炎最新相關資訊