2019-06-16

1.8K

【父母反思】父母的心靈讀物。幾米《但願有一天你會懂》

早前都同大家分享過,作為父母嘅反思 「你有因為孩子愈來愈大,笑容而變得愈來愈少嗎?

 

有時候,我都覺得動不動就同小朋友發脾氣,已經係去到病態嘅地步。

回想一下,自己都有童年。

 

好怕父母鬧,更加係唔鍾意添。

 

我好想改變自己,但每日嘅疲累就會不其然轉化成負能量…

高負能量之下,就忍唔住大發雷霆。

 

最近行過書局,見到幾米今年新出嘅作品《但願有一天你會懂》。

 


 


所以都好想同大家分享,當我一打開呢本書嘅時候,只係頭兩頁嘅內容。

就已經打動到我嘅內心,作為媽媽馬上想要哭。


 

此繪本圖書,好適合我。

頭兩頁嘅內容,係我現實生活中嘅寫照…

 


父母:現在又是怎樣子? 

你沒看到我在忙嗎?

都幾點了,

還不趕快去睡!

 

怎麼還站在這裡?

我累了,有甚麼事,

明天再說。

 

孩子 :沒事啦! 

只是想跟你說,

今晚窗外的星空好美,

我剛剛看見一顆流星,

許下一個美好的願望…

 

..............................


我不曾同大家講過,和牛B每到夜晚都唔願瞓覺。

佢好想我陪佢玩,到返入房講完睡前故事,仲仍然會有好多說話要講

 

十級疲倦嘅我,佢唔俾我先瞓著。我就會更加負能量,然後火山爆發…

但呢本書,令我深深咁反思作為父母,作為孩子又係咩心情…

 

或許,孩子只係想同我分享更多佢所見到、所經歷到嘅事…

 

與其去責罵佢,倒不如讓佢講到夠吧…

 



幾米呢本書以父母期待小孩:「但願有一天你會懂!」,小孩盼望父母:「但願有一天你會懂!」。

 

以兒童嘅角度出發,將親子關係之中講唔出口,但又不吐不快嘅處境一一擊破。

 

小孩嘅盼望,父母嘅盼望…「但願有一天你會懂」

 

頭兩頁是繪本,後面嘅內容係讓小孩同大人深思嘅畫面及對白。

【編按:以上內容為作者之個人意見及立場】

相關文章

【夫妻之道】女兒出生後無性生活 媽媽自責又擔心︰有第三者?

母女搭地鐵見有位就坐 遭陌生女人阻止兼斥責無家教 女童自責惹媽媽心痛

【兒童健康】4歲男童皮膚痕癢抓到皮破血流 醫生:3方面改善濕疹

堅強媽媽自學整餅乾 獨力養大兩名智障兒︰孩子快樂我快樂

緊貼新冠肺炎最新相關資訊