2021-02-02

1.6K

【爸媽課金之路】平養定貴養視乎你點諗?網民:「最貴係心血!」

養育一個小朋友真係講心又講金,最近就有JM提起10幾年前嘅一個廣告,當中提到要培育一個小朋友由出世到成年,粗略估計要起碼要400萬;嚟到2021年隨住物價通脹,街邊炒栗子都由$20一磅升到$44磅啦,咁400萬仲够唔够?若然咁講,如果唔生小朋友,咪個個父母都可以成為百萬富翁?

對於『400萬仲够唔够 ?』呢個問題好多JM都話,其實要睇你想「平養定貴養」,如要去外國讀書,咁就一定唔夠啦!不過亦有JM以自己作例子,養夠兩個都唔使400萬,「冇計過,我窮養 應該唔使」、 「正常有條件嘅家庭當然唔夠,讀書未上到大學已用百幾二百萬!」、「我兩個窮養,不用400萬!」 、「剛計一計,淨係比呀女PN 到小六嘅學費加補習已經要120 萬!」如果咁睇,即係原來養個小朋友都係講豐儉由人?

討論區熱話:依家養個小朋友400萬仲够唔够? 

討論區熱話:依家養個小朋友400萬仲够唔够? 

睇到呢度,若然你哋係正計劃生育嘅兩口子,可能都聽到怕怕,計完都唔敢生,不過鯊魚太就覺得其實個數目都係積少成多,而且唔少家長都認為養育小朋友生活費都係小事,反而係如果你對教育有要求,開始讀書先係無底深潭,有JM就粗略列出 「平貴之道」:

 

不過講到尾,鯊魚太就好認同呢位JM所講:「其實教養仔女,無錢唔得,但用錢貴養,都唔及用心貴養。細路哥報個幾貴嘅playgroup學語文,都唔及父母日日臨訓前一齊睇書講故事咁有用。」心血比錢更珍貴,父母嘅身教、關懷又點可以用錢衡量呢!

【編按:以上內容為作者之個人意見及立場】

相關文章

【港識教養】爸爸奇招逼阿仔做家務 執拾房間後才獲發新WiFi密碼

【港識教養】周末功課長達「3米」 小學生大呻:老師好狠!

【港識教養】兩小孩食飯時為搶手機哭鬧 座位滿佈飯粒!父母不理「殘局」

【生育的抉擇】夫妻月入6萬擔心養不起小朋友 人妻:生唔生好?

緊貼新冠肺炎最新相關資訊