育兒是一門學問,不同家長有不同的指標,加上小朋友性格各異,難以用單一指標去衡量或質疑別人的教育方法。有港媽日前在社文媒體投稿,指兒子讀K2時已開始學做家務,現時兒子已經小二,兩母子會不時一起整蛋糕,但其育兒方法竟遭到媽媽群組內其他家長非議,指她妄顧兒子安全,且未有理會兒子功課繁多,令她十分無言並忍不住反駁,「難道只係興趣班先係有益,做家務就會累死個仔嗎?」
該名港媽早前在Facebook專頁「生仔要考牌系列」投稿,分享之前在媽媽群組,與其他家長發生爭執的經歷。她表示兒子現時就讀小二,由K2開始,她已教他做簡單家務,包括摺衫、收衫、晾衫、掃地、收碗、洗碗等。有一次她和兒子一起整蛋糕,事後把照片分享至群組,包括兒子篩麵粉和切生果的相片,本是開心分享,卻沒想到引起其他媽媽議論。
有人質疑她「咁細個俾小朋友篩麵粉,會搞到佢肺有事喎」、「咁早畀佢拎刀,遲早會隊親佢呀」,令她相當無言,認為她們過分緊張,並反駁指自己每個月只會和兒子整1、2次甜品,並非每次都會使用到麵粉,而且兒子用的刀是兒童專用膠刀,沒有安全威脅,「大佬呀!唔好咁黐線啦,我1個月先同佢整1、2次甜品,又唔係次次都會用到麵粉,出街夠多塵,你唔困住個細路喺屋企?另外,把刀係兒童專用膠刀,隊唔死,又鋸唔傷,仲鈍過你鵬(棚)牙呀!」
除此之外,令港媽更生氣的是,有一次她提及兒子K2開始學做家務,再次遭到其他媽媽批評,「俾佢學係藉口,實質係自己可以唔使做家務,咩都隊哂俾個仔」、「小朋友唔使咁早學,大個啲上中學先教都冇問題」、「小學已經咁多功課,仲教佢做家務,做死佢呀?」
港媽則反駁,指家務人人有份,她和丈夫放工回家後都會做家務,強調並非全部家務都讓兒子做,同時她亦認為等兒子升中後,就不會聽父母說話,直指「你仲踢得郁佢先講啦」。另外,對於被其他家長指責未有體諒兒子課業繁重,港媽表示認同小學功課繁重,所以不會分許多家務給他,僅要求他每天飯後幫手收碗和洗幾隻碗、摺好自己的衣物、周六或日幫忙掃地。
她又諷刺指出,家長明知道小學生功課多,但仍為子女安排多樣課外興趣班,「興趣班(計埋來回時間)同每日淨係摺衫、收碗、洗碗,邊樣用嘅時間多呢?難道只係興趣班先係有益,做家務係累死個仔嗎(利申:我仔淨係學琴)?」
帖文引起網民熱烈討論,不少人紛紛留言支持港媽,「屋企個個都有份,當然要學做家務」、「最基本嘅野緊係由細開始學喇。同意文主所講嘅到佢地大先教,重邊會聽你支笛」、「小朋友不斷成長,其實家長真係要學習放手。教識佢做家務承擔責任自己又可以輕鬆啲,何樂而不為」、「最奇怪咁多人鍾意對人地咁教仔女指手劃腳」。
內容獲「生仔要考牌系列」授權