當仔女一日一日咁大，自己開始有番自己嘅時間，唔少媽咪會開始考慮重返職場，重新投入工作！但現實往往與理想相反，有嘅媽咪會因為長時間與社會脫節嘅狀態，重返工作崗位後感到吃力或各種唔適應，更有些媽咪則因為心態嘅轉變，對於重返職場卻步。
係討論區中，有JM表示「隔咗幾年先返出黎做嘢，真心唔係好慣…」除了是因為身邊有唔少同事是年輕妹妹外，大家係話題、興趣上都顯得有隔閡，再者，有同事暗示JM見客「最好執下個look」，無論是環境或是人事，唔多唔少都會因為這些影響心情，心感無奈。
唔少JM留言「見客係代表公司，儀容好重要，你同事算善意提醒」、「咁你同事都好呀！响你面前講希望你有改善，好過D表面friend但背後唱人」；同時亦有唔少留言鼓勵JM「一步步來啦，越急越衰」、「重回職場係要花多時間...」、「除咗執look仲要盡量充實自己，自信和淡定就慢慢自然流露」等等。重返職場後，即使唔係媽咪，其他因為各種原因離開過職場嘅人，唔少都會遇到這類困難，其實最大嘅障礙除了是來自內心嘅恐懼，亦有很多是因為喺職業選擇中，感到迷茫、以及生活規律需要重新建立。
無論是否因為重返職場，身為女人，無論喺工作或家庭中，對待自己都唔應該係「放任」嘅態度，時刻都要保持自信、跟貼時事、有自己嘅興趣方向等，而唔係一直在家中只等另一半回來。希望每個女人，活出自己。
