2022-01-18

2.2K

奶奶怨新抱生二胎表明只願湊一個 港媽:憑咩管我生幾個

香港雙職家庭愈來愈多,許多家長要把孩子交由長輩照顧,然而兩代人在育兒方面有不少矛盾,很容易發生衝突。有港媽在網上發文,批評奶奶不願為她照顧二胎,更埋怨她生二胎,令她感到難受。

該名港媽在親子王國討論區以「奶奶唔想湊孫又要扮想湊」為題發文,指她與丈夫育有兩名孩子,夫妻都要上班,當年懷有第一胎女兒時,奶奶樂意幫助照顧,亦感到很高興。雖然奶奶要求「天價家用」,金額足以聘請兩名外傭,但他們亦照辦,結果只能靠港媽的薪金支付供樓和水電等費用,「我係暫時一蚊都俾唔到我媽」。

去年初,港媽懷上第二胎,丈夫把喜訊告知奶奶後,奶奶的反應竟然是埋怨他們,直言「生一個咪夠囉」,更質問他們「你哋冇避孕咩?」,亦表明只會照顧一個孫,「湊唔到兩個」,奶奶的說話刺痛港媽的心,令她感到震驚,「我當刻心諗生係用我個肚生的,而且我生幾多唔使取決於佢想湊幾多個嘛?!佢自己都生兩個湊兩個啦,憑咩要我地只可生一個?」


(《BB來了》劇照)

後來,他們決定聘請外傭照顧孩子,結果外傭上班後,奶奶卻表明可以與剛退休的老爺一同照顧兩名孫兒,令她十分反感,「當初佢唔想湊孫,而家又好殷勤幫手,我好反感,而家我覺得佢想搶番來湊係怕62退休後,佢兩老會冇收入」。

帖文引起熱議,有人批評港媽在懷有二胎前沒有做好周詳計劃,「生bb 前你都諗下湊嘅人得唔得先吖」、「既然你要佢幫手 你生之前點解唔同佢商量下 根本你就一廂情願」。亦有不少人替她的奶奶不值,「99唔想湊都正常既,湊小朋友咁辛苦」、「奶奶自己生兩個自己湊,你就老奉擺喺奶奶度要奶奶由朝湊晚」、「其實你奶奶無錯喎,你生就奉旨要人湊,一萬蚊十分之合理,佢到返轉頭比一萬蚊你自己搞掂,你都唔肯啦」。


相關文章

老爺奶奶醫院探孫叫不出媽媽全名 護士狠瞪拒交出孩子獲網民盛讚

3歲仔要求著裙、用女裝手袋 開明媽媽不阻止:審美無分對錯

【恨抱孫女】公婆盼添孫女煲「胎兒變性藥」 懷孕新抱流產崩潰:我想離婚

爸爸帶幼女海邊向媽媽求婚 囡囡拎出戒指下秒悲劇發生

緊貼新冠肺炎最新相關資訊