自從結婚之後，同奶奶嘅衝突真係永遠都講唔完，俗語都有話，「嫁個好老公易，遇個好奶奶難。」要遇個醒目嘅老公更係難上加難。畢竟絕大部份嘅奶奶控制慾都好旺盛，一定要你跟住佢套「過氣理論」做人，只要你做小或做錯一樣，必將引發連場大戰！
討論區熱話：有無人因99而和C6有吵架？
相信唔少JM都聽過奶奶成日話自己以前點點點，你咁做唔啱，你咁做唔好等說話，不停重複又重複，真係聽到都覺得煩。一時又話要點做，一時又話唔好咁做，更誇張嘅係連出街著咩衫都要先經佢審批，開頭就話畀面老公可以忍耐下，但忍得多成個人都變得好憤世，唔好話會屈出精神病，血管都隨時爆幾條！
原來有唔少JM嘅奶奶都同Belle仔菇菇嘅情況一樣，做乜都畀奶奶管住，有啲連自己屋企人嘅事都關佢事！
「所有bb用品佢咩都要管！」
「佢多主見，又要管埋屋企人的事。」
「鍾意控制哂所有嘢，口沒遮攔，從不顧及人哋感受！」
討論區熱話：有無人因99而和C6有吵架？
結婚之前一直以為自己好有長輩緣，奶奶對自己明明好好，但點解結婚之後同想像中差咁遠？原來一切都只係自己嘅觀點唔同咗。
點解Belle仔菇菇會知道？全因為身邊個位唔係豬隊友，而係神隊友。每次一有衝突，老公除咗做夾心餅之餘，仲會好醒咁時睇準時機介入，安慰下太太又安慰下媽媽，等雙方都有冷靜空間。事後仲會同兩邊好好溝通，諗返三五七個辦法去處理問題，大家嘅血管先得以保存良好。
其實學老公所講，長輩們人愈老，先會愈驚自己被否定，安全感愈嚟愈少，性格就慢慢開始變得愈來愈固執。
如果不幸遇上一位控制欲極強嘅奶奶，又再不幸地遇上一位豬隊友，親情就好易變成一把利器，會不停削弱大家嘅愛情，所以JM們記得一定要設定一條自己可以忍受嘅底線，豬隊友就除左做磨心之外，一定要作出適時嘅溝通，畢竟得你先最明白身邊2個最愛嘅女人！
