2021-11-09

2.3K

姑仔為慳錢每天上門「黐餐」港媽不滿:點解要養埋佢?

不止婆媳相處是一門學問,與姑仔相處對不少已婚婦女而言都是一個煩惱。有網民分享指,最近丈夫失業,家中經濟緊拙,但姑仔卻以慳錢為由,每天上門「黐餐」,令她大感厭煩。

港媽在親子王國討論區以「姑仔日日上黎痴餐」為題發文,指自己平日與姑仔的關係不錯,對方25歲,以往上班都是由父母準備飯盒,惟近日姑仔找了一份鄰近港媽家的工作,自始每天上門「黐餐」,要求港媽的外傭為她準備午餐。港媽指,姑仔事前沒有得到她的同意,只是通知她,其後更直接走上門。但最令港媽不滿的是,姑仔經常嫌棄外傭煮的餸不合胃口,又會指定外傭準備某些菜式,更要求港媽準備零食,「當場我無理過佢」。

港媽解釋指,丈夫最近失業,家庭經濟緊拙,聘請外傭照顧小朋友已經支出不少,不滿還要為姑仔準備午餐,「最過份係最近煮完唔啱食佢就唔食,然後煮晒我啲麵食」而且丈夫對妹妹的行為亦毫不介意,「佢一份錢都無出,日日上嚟痴餐,真係唔明,慳錢唔出街食就要食我嘅?」

帖文引熱議,不少人建議港媽向姑仔坦白家中的經濟狀況,「同佢講阿哥已經失業,叫佢每個月夾返幾千幫補下」,亦有人認為既然港媽的丈夫不認為妹妹的行為有問題,她只能忍耐或者為自己發聲,「一係硬食,一係叫老公加家用,斬唔係收埋啲麵等佢無得煮」。


相關文章

結婚3年遭家暴 人妻:我應該點做?

結婚12年夫妻性格不合 由甜蜜到互相討厭 人妻有意離婚:係咪都應該放手?

婚後家庭開銷AA制 用老公附屬卡買生活用品被質問令港媽心淡:佢講到我好似呃佢錢咁!

老公精神出軌後拒絕有性生活 令港媽心酸:佢留低係咪只得責任無愛?

緊貼新冠肺炎最新相關資訊