夫妻之間應該AA制嗎？一位港媽在網上討論區抱怨老公跟自己計較金錢，她分享二人有一聯名戶口，家中的重大開支如屋租、水電煤、小朋友雜費等都會從這個戶口扣，對方從來沒有給家用，而港媽買自己的東西都是用自己錢。惟當她用老公的附屬卡買家中生活用品及外賣時，被老公埋怨為何不用聯名戶口入的金錢，「我接受唔到所有嘢都同老公AA，佢叫我唔滿意就搵過第二個老公。」，令港媽十分難受。
一位港媽在網上討論區親子王國以「請問我算貪錢嗎？」為題發文，分享自己與老公兩個都有穩定收入，而老公收入比自己多，因此大家以6比4的比例每月儲錢入聯名戶口，而家中的重大開支如屋租、水電煤、小朋友雜費等都會從這個戶口扣。另外亦透露老公從來沒有給她家用，雖然平時外出用餐是由老公支付，自己消費都是用私己錢。
港媽認為老公的角色，應該在經濟上付出比老婆多去照顧屋企，「問題係我覺得佢完全唔認同佢有責任去做多少少照顧屋企，平時所有嘅屋企嘢都係我做，佢返到屋企只係玩電話。如果有一日我冇工做，要靠佢，我諗我要食穀種同過得好辛苦。」。她指出自己有一同分擔大部份的生活開支，想不到老公跟她斤斤計較，對認她直言非常失望，「以為我幫到佢唔使佢養已經算好，但佢講到我好似呃佢錢咁，我平時死慳死抵咁同佢捱，佢咁講我真係好心淡。」
對此，港媽反思究竟是否自己的問題，因此求問網民有關家庭開銷的分配，「請問大家我咁樣算唔算貪錢？平時如果兩公婆一齊做嘢，你哋點樣分配支出？」
帖文引起熱議，網民的反應兩極，部分網民表示明白港媽的感受，「用在大家身上嗰少少錢都計住計住的老公真係唔要都罷」、「我淨係覺得一句得埋嚟叫你搵第二個唔係好ok，都係洗錢响大圍嘢啫」、「斤斤計較、我唔會要依d 男人做老公」、「雞毛蒜都同你計，你次次碌萬萬聲就話啫」、「屋企嘅嘢唔好做！一係自己顧自己！洗衫煮飯買餸每人輪住做！」
而部分網民則持相反意見，認為最計較的是港媽自己，勸她不要鑽牛角尖，「是你貪心，兼唔公平。佢明明有俾家用，點解你話無？明明有聯名戶口，點解你唔用，仲要求佢動用佢私人儲蓄？但你自己又唔願意動用自己嘅私人儲蓄？」、「有d野你自己要諗埋一邊，其實無人幫到你。」、「唔知點解越睇我越覺得呢位樓主係咩都唔想出錢，只想老公出」、「如果當時唔用卡，用你錢，你ok 嗎？唔使咁急駁我，嘗試在對方角度想一想。」
另外網民亦有其他意見，「一家唔知一家事。無對錯亦無得比較」、「我反而著重男既會唔會認為你有私己錢買私人野不爽。」對此，港媽回應之後再用老公附屬卡都會先問對方，更決心AA制，「佢鬧完我之後我都仍然有幫佢買外賣，係用附屬咭不過之後我PayMe返我個份比佢，唔想佢再有藉口話我。我唔知咁係咪正常，不過我自己覺得做夫妻做到咁，真係好心淡。」
