2019-03-07

8.9K

小朋友相差7年......仲生唔生好?會唔會有代溝?

生幾多個先夠晒數?想追第二個或以上,除咗要睇自己嘅意願之外,兩個小朋友年齡嘅年齡差距亦都係考慮因素之一?有JM開POST問,如果而家生小朋友,大仔就會同BB 相差七年,擔心到時會有代溝、餵奶揀幼稚園又要重頭來過,唔知會唔會應付得到。

正所謂「三年一代溝」,七年已經有兩個代溝了。兄弟姊妹年紀差咁遠,又可唔可以和平共處呢?

:多個人照細佬妹

有JM嘅兩兄弟相差9年,大仔year 1,細仔仲係小學生,大嘅可以教細嘅做功課,簽手冊,幫手接送,陪練琴,幫輕唔少!不過呢個好處呢,好視乎個大嘅鐘唔鐘意細嘅,唔一定保證到!

而且佢哋年齡唔同,對玩具嘅要求都唔一樣,唔使驚佢哋乜都爭餐死!

壞處:有代溝

雖然佢哋因為爭嘢而打交嘅機會大大減少,但隔咁遠佢哋都未必係玩伴,個大嘅只會多左份責任。爸媽要諗一些地方啱大B同細B玩亦都無咁簡單:「當細B需要去公園,大B已經唔中意玩公園。自己走去打籃球。好的是可以少理大B, 但少好多機會一齊玩。」

點都好,唔少JM都覺得,兄弟姊妹感情都係睇緣份,無一定好定一定唔好。小朋友相處係睇性格,唔係睇年齡:「我大女17歲,2女10歲,細囝2歲。大女同2女成日傾密計,唱下歌咁。有時會嗌交,轉頭攬頭攬頸。大女會幫手湊細囝,細囝好鍾意大女。2女會同細囝玩,但會爭野玩。細囝會哈2女,但2女講攪笑野佢就笑到卡卡聲。感情係點,睇你點教,唔好偏心,唔比較。

就算係相差兩年都好,都唔一定保證啱玩吧?與其在意年齡差距,不如諗吓點樣教好佢哋好過!

即上討論區一齊傾

 

【編按:以上內容為作者之個人意見及立場】

相關文章

父母偏心嗎?NETFLIX密碼或穿崩!港爸︰用老婆生日最安全

【溫馨家庭】6位姐姐初見新寶寶爭住抱 二姐一見妹妹秒哭感動網友

朱薰長氣應付囡囡Trouble 2 自嘲似羅家英  妙法教囝囝:你負責錫妹妹啦!

緊貼新冠肺炎最新相關資訊