2022-08-25

1.3K

港媽帶BB回娘家惹奶奶不滿:以後唔想見你 港爸呻難做

婆媳相處向來是重大學問,其中兒子和老公的角色十分重要,很多時候,婆媳之間的糾紛,始作俑者就是夾在中間的男士,但最終能否解決也是取決於男士的態度和處理方法。有港爸在網上發文,指早前因工作忙碌,於是叫老婆帶同一歲的女兒到娘家暫住個半月,由外父外母幫忙照顧女兒,怎料此舉竟然激怒母親,更遷怒於老婆身上,令他感到難做。

該名港爸早前在連登討論區以「婆媳問題係唔係定律嚟?」為題發文,指他近日工作忙碌,每晚都要加班至深夜時分,無暇打理家務,而女兒未滿一歲,他不想老婆太辛苦,於是叫她帶同女兒到娘家暫住個半月,讓外父外母幫忙照顧。

他表示,外父外母每天都會買新鮮餸菜煮飯,又會準備嬰幼兒食品,更會為寶寶洗澡,分擔不少,令老婆有時間帶女兒到公園玩,但如果兩人寄宿在夫家就未必有同樣的支援,反而9成工作都要老婆處理。

直至上週末,他以工作繁忙為由對父母說不能見面,就惹起對方的不滿,更直斥新抱不當他們是家人,「唔肯自己一個帶BB嚟瞓過夜」,父母其後更退出通訊軟件的家庭群組以示不滿,甚至表明不想再見到新抱,亦不歡迎新抱到他們的家,「老豆同我講,返去探佢哋可以,帶埋BB都好,但新抱不要再出現了」。


《BB來了》劇照

面對父母的反應,港爸感到無奈,亦感到難做,「自覺我哋算係咁,10樣要求做咗9樣,但1樣唔做,就被認為『唔當佢係屋企人』」,但他亦未有為老婆講說話,原因是曾經試過但被媽媽批評「沖出嚟幫老婆鬧老母,喊晒口話自己好心傷」,他擔心今次事件難以平息,於是發帖問網民意見。

結果,許多網民批評港爸的父母無理取鬧、小題大做,「要新抱一個人抱住個B/推住BB車,帶埋成堆BB用品過去畀佢哋玩孫?」、「黐黐哋線,一次半次,想見個B咪自己過去探囉」。亦有不少人批評港爸怕事,「你真係好似第三者睇住故事發展咁,畀人嘅感覺係好事不關己咁」、「乜都知但係就唔幫老婆講說話,因為驚老母發爛渣」、「其實所有婆媳關係9成9都係因為個男人無做好中間人角色」、「你先係一家之主,似返個男人啦」。


相關文章

【育兒】奶奶幫孫仔搽精油致生紅疹 新抱婉轉提醒卻被怪罪

【夫妻關係】老公行為突變疑出軌 老婆請私家偵探調查結果發現⋯⋯

老公不願湊仔更列4行為指責老婆疏忽照顧 老婆委屈:應付老公比育兒更累

小學生寫日記呻擔心變孤兒 全因一個爆笑原因憂父母離婚

緊貼新冠肺炎最新相關資訊