2023-12-27

3.6K

老公常赴內地工作 自爆出軌與小三已生小孩 令人妻心碎: 心痛到連恨嘅感覺都冇

老公在外面養小三兼生了孩子,試問還怎樣接受?一位人妻近日在網上分享自己結婚20年,經常赴內地工作的老公突然自爆出軌,透露自己在疫情分隔兩地期間,在內地養了小三,更與對方生下小朋友,現時已9個月大。老公毫不諱言地跟人妻說,指由於小三患了大腸癌,因此想陪對方治病,人妻聽後完全不能接受,「心痛到連恨嘅感覺都冇」。

一位人妻近日在網上討論區親子王國以「老公同大陸小三連仔也生埋」發文,分享自己結婚20年,老公經常要赴內地工作,一星期只有2至3晚在香港。有日老公突然自爆出軌,透露自己在疫情分隔兩地的那幾年,在內地養了小三,更甚的是與對方生下了小孩,現時小朋友已9個月大。

但人妻的老公並非求她原諒,反而再投下另一枚震撼彈。事主的老公毫不諱言地跟她說,指由於小三患了大腸癌,而且情況不太樂觀,因此想陪對方治病,「佢話最重要係陪個女人處理好佢病先」。人妻指老公喊著叫她也去接受大腸檢查,「話唔想連我都有事。」

人妻聽後崩潰,突然醒覺為何老公一直以來都沒有跟她發生性行為,「我终於明白點解呢十年佢冇同我有性生活」,更傷心欲絕地表示「心痛到連恨嘅感覺都冇」。

帖文引起熱議,大部分網民撐人妻,勤她提出離婚,「真係好明白你嗰種痛,如果係我,我會離婚,因為拖落去只會令自己痛苦」、「無小朋友就離婚,再告佢出軌仲有埋小朋友。將個小朋友留番比女方屋企人。」

有網民懷疑事主老公已經不是第一次出軌,「你老公好好戲。長駐大陸工作,又多年唔掂你,明顯已偷食多年,現在又扮深情。玩還玩,玩到生埋仔又話二奶生癌,想點?想你湊埋?你千祈唔好心軟接受。」、「長時間5同老婆搞,5使問阿貴,十居其九,一係叫雞吃飽左,一係包小三」。

亦有不少網民指老公可能另有打算,提醒人妻勿心軟幫對方湊小朋友。「佢會唔會想將個bb 交比你,個女人有病好快會走。」、「既然無仔女,離婚算啦,佢講出黎分分鐘想妳第日幫佢湊仔呀!」、「佢必定自爆啦,因為大陸女人已冇能力湊仔,你老公咁恨小朋友一定帶回香港,遅早都要比你知,宜家係想你幫佢湊仔呀!比我會離婚,你叫我日日望住二奶仔我會好難受!」


相關文章

【婆媳關係】新抱常遭奶奶無理責罵 事後收2千大利是補償 網民羨慕:還缺媳婦嗎?

結婚3年遭家暴 人妻:我應該點做?

結婚12年夫妻性格不合 由甜蜜到互相討厭 人妻有意離婚:係咪都應該放手?

脫髮肥佬都有小三?網民一語道破︰重點係面皮厚同呢樣嘢!

緊貼新冠肺炎最新相關資訊