2023-10-01

1.4K

老公有嚴重潔癖對任何事都不滿 令人妻崩潰:唔知點同佢相處落去!

夫妻之間生活習慣一致很重要!有人妻在網上發文抱怨老公在疫情之後有嚴重潔癖,經常對於她日常生活習慣很有意見,在人妻眼中雞毛蒜皮的事,在老公眼中都變得很大件事,例如二人會為了穿著睡衣丟垃圾又或是開燈掣這種事而吵架,令人妻很崩潰,不知怎樣跟老公相處下去,直言有離婚的念頭。

一位人妻在親子王國討論區以「老公有潔癖點相處」為題,分享老公在疫情後慢慢開始有潔癖,期後仲開始愈來愈嚴重, 「喺屋企順手開個電掣會鬧我,因為覺得好耐無抹會有塵好污糟;又或者覺得垃圾筒有細箘會喺打開嘅時候飛上嚟, 會整污糟睡衣, o喺我角度都係雞毛蒜皮嘅事, 但唔知點解喺佢角度變咗大件事。」夫妻二人很多時為了生活習慣上的不同而吵架,令人妻心很累,更覺得愈來愈性格不合, 「真係唔想走到離婚果一步」。

人妻補充難以理解老公的雙重標準,指出老公在街外表現很正常,唯獨回到家中就變成潔癖,要求一塵不染,「佢份工有時需要搬貨,D貨放晒地下佢都唔怕污糟。」人妻再舉出其他例子,「我哋試過去戲院睇戲, 見到前面有對情侶要抹乾浄張凳先坐落去,佢仲會同我講話人地咁怕污糟點解要出街。」但偏偏回到家中就好像變了另一個人的模樣,令她無所適從並感到心灰意冷。「如果當年結婚前係咁, 睇怕都唔會嫁俾佢喇。」

種種事件令到人妻跟老公相處時很大壓力,唯有上班才是令她感到最放鬆,「而家返工時間我反而覺得最輕鬆, 返到屋企唔知幾時又會踩地雷。」
人妻更提到她老公有一個很差的行為,有時雙方吵架時老公會把家中的物件掃在地上,一般她都不會主動收拾殘局,讓對方自己整理,「佢會將所有洗到都拎去洗, 洗唔到就用消毒濕巾抹,又或者佢覺得點抹都唔乾淨, 就會掉晒佢,即使係咁麻煩, 但佢每次嬲到臨界點,都係會掃野落地。」而老公每次冷靜完又會主動道歉,向人妻表示是自己問題,「我忍到都盡量忍,佢次次冷靜左, 都會覺得自己潔癖係唔啱,但佢就係改唔到, 佢事後都會因為打爛野同我道歉添」即使如此,人妻都直言很難跟老公走下去,「但又如何, 成日係咁點樣過一世。」

人妻提到沒有傾訴的對象,沒辦法跟家人談夫妻間的問題,因為家人覺得她老公是她男人,亦很照顧他們老人家,而人妻都打從心底同意老公很愛錫她的家人,因此都不捨得要離婚,「我真係唔想行到離婚呢一步,但現實係真係會成日唔開心, 好似成日活在恐慌中。」

帖文引起討論,有網民表示很有共鳴,分享自己都曾經遇過有潔癖的另一半,「我以前都有個類似嘅男朋友,佢唔比我掂佢塊面,耳仔都唔得,因為我手有菌喎」、「我明呀!嗰陣我同呢個前男友同居,成日都好大壓力,成日驚做嘅嘢佢唔鍾意,唔知幾時會踩到佢條尾,分咗手先有返自由。」

另外很多網民都認為事主老公是有情緒或心理問題,建議應該尋求醫生的協助,「他有情緒病去看醫生吧」、「你兩個自己搞唔掂㗎,再拖只會更傷大家感情」、「我覺得睇心理科可能比較對症下藥」、「一個疫情,其實trigger 咗好多人心理與生理嘅精神病出嚟,睇下醫生同心理學家,睇下可唔可以令症狀抒緩啲」。


相關文章

脫髮肥佬都有小三?網民一語道破︰重點係面皮厚同呢樣嘢!

15歲女早戀失身 憤怒爸爸掙扎應否報警︰驚毀佢前途

婚後家庭開銷AA制 用老公附屬卡買生活用品被質問令港媽心淡:佢講到我好似呃佢錢咁!

老公精神出軌後拒絕有性生活 令港媽心酸:佢留低係咪只得責任無愛?

緊貼新冠肺炎最新相關資訊