2022-06-17

762

老公網上撩女仔 港媽震驚:佢一向係好爸爸好老公

互聯網發達,許多人在網上結識到終身伴侶,但亦因為太方便而拆散了不少愛侶。有人妻在網上發文,指丈夫一向是好好先生,很顧家和愛錫小朋友,因疫情關係一家人經常留在家中,關係融洽,但她最近竟無意中發現丈夫在通訊軟件撩女仔,令她十分震驚,更對彼此的未來感到不安。

該名人妻在親子王國討論區以「第一次出帖想請教向(各)位JM,長文」為題發文,指他與丈夫拍拖6年,結婚3年,育有一名1歲的兒子,丈夫為人一向穩重、有交帶,亦很顧家,她從未懷疑過對方有異心,「我大肚加bb 出左世呢兩年都係疫情,大家work from home 日日係(喺)屋企見,好少嗌交,佢好盡責,我無請陪月,佢清潔煮飯買餸煲湯乜都做哂,我真心覺得佢係一個好老公同好爸爸,亦都好錫個仔」。

直至上星期,她無意中在丈夫的手機發現他在通訊軟件與一名陌生女子有密切聯繫,「我禁入去睇,見到佢地既對話係閒聊,但都密,有一兩句會flirt(挑逗)下大家,講下你住邊區呢幾日落雨個d(嗰啲), 睇得出係好表面既對話」,當下她十分震驚,更即場與丈夫攤牌,「但我蠢左無叫佢俾我睇哂d(啲) 對話,而佢拎返個電話個陣已經delete 左個msg, 我就崩潰,因為我永遠唔會知道真相。」

後來夫妻坐下來討論,丈夫辯稱對方是很久不見的朋友,但慌話很快就被揭穿,「但識佢咁耐佢唔識講大話,俾我問多兩句已經收皮」,後來承認是經微信「附近的人」功能認識女網友,「咁我又崩潰,點解要上網識人,已經喊到顛左(癲咗)」。


《夫妻的世界》劇照

後來她要求丈夫把電話給她,並以丈夫的身份與女網友對話,「一開始個女仔應我普通野,之後我一表明我係佢老婆佢就無再覆,而我都block佢再 delete 埋佢,順勢我同c6 講我宜家要check 哂佢電話」。當她檢查丈夫的手機,就發現對方在婚前已經有認識女網友,「佢就解釋佢真係無聊搵人傾計only,絕對唔敢出軌」。

雖然丈夫事後有向她道歉,並答應她以後不要找網友聊天,亦把通訊軟件的照片轉為家庭照,而且因疫情關係,夫妻都經常在家,丈夫亦會陪她買餸,但她仍然感到十分不安,「真係有條刺,覺得男人有呢個開始已經係想出軌」。

她又表示,本來一家人計劃在年尾移民,現在發現丈夫曾經有異心,令她十分苦惱,「佢係咁同我講佢真係無出軌無第二個,我相信佢淨係私聊,但個問題係,如果佢有呢舖引(癮),移左民一樣會同人私聊」。

帖文引起熱議,有人認為樓主的丈夫只是與網友閒聊,未至於出軌,「如果意志堅定,而你老公也只是聊聊天,你可當是他在聊天減壓的一種,不需要太上心。」、「樓主放鬆啲,我之前都試過生活好悶wechat search nearby搵人傾下計,但我都會搵異性,純吹水kill下time, 冇其他特別想法。」

亦有人認為女人只要有經濟能力,就不需要太擔心,「只要你有經濟能力、財力,任何野都傷害唔到你」、「我反而覺得呢個係一個好機會, 俾你思考下, 你們夫婦關係有冇什麼可以改善地方, 如SEX, 家庭角色安排等等。」


相關文章

【夫妻關係】港男批太太婚後不理形象兼不穿胸圍外出 無奈:點解唔著

老公常送上驚喜禮物 人妻不滿又貴又唔啱用:我必須感恩?

港男出軌妻子大方讓三人同居 情婦要做家務兼被禁懷孕:好委屈

【夫妻關係】老公行為突變疑出軌 老婆請私家偵探調查結果發現⋯⋯

緊貼新冠肺炎最新相關資訊