2023-12-15

2.1K

老公銀包有避孕套疑似出軌 令港媽崩潰:佢個心唔喺我度

夫妻性生活不協調有機會令婚姻出現裂痕?一名港媽在網上討論區發文分享,指無意中發現老公的銀包竟有避孕套,懷疑對方出軌。平時夫妻之間的關係又不太好,經常為著不同事情吵架,特別是性生活方法不協調,「佢成日話我唔肯搞 佢話性生活對佢好重要 佢好鐘意搞嘢」,加上老公早於半年前已有跟其他女人曖昧,又很喜歡跟女同事私下傳訊息,早已削弱了二人之間的信任,如今再發現老公有疑似出軌的舉動,令港媽十分崩潰,「想離婚但個小朋友得幾歲 唔知點算好..」。

有港媽近日於網上討論區親子王國以「老公銀包有condom」為題發文,分享自己無意中發現老公的銀包竟有避孕套,懷疑對方出軌,「仲要係我地屋企用緊果款,唔係街派」,但由於港媽怕被老公反責備不信任他,因此沒有就此事追問對方,「如果問佢, 佢會話返我摷佢D野或唔信佢, 講到錯嘅係我(每次嘈交都唔夠佢講)。」,但自己一直鬱鬱不歡,心裡十分介意這件事,讓她感覺老公好似隨時準備好與其他人發生關係,「覺得佢好似準備就緒, 有女上釣就食咁(或者唔知係咪一直都食緊但我唔知)」。

港媽透露夫妻二人之間的性生活不太協調,「佢成日話我唔肯搞,佢話性生活對佢好重要,佢好鐘意搞嘢」,又指大家的關係不太好,經常都會吵架,指老公在家對自己態度很冷淡,「對我永冇句好說話」,但對其他朋友同事就很熱情。

此外老公經常對自己指指點點,即使工人做錯事又或者, 小朋友頑皮,都會算到港媽的頭上,「頂唔順佢話我,駁返佢就俾佢話我發牌氣,要我改,次次都講到我錯哂咁相處唔到,亦溝通唔到。」不過港媽亦有提到老公的優點,讚對方顧家,「佢可取之處係對屋企肯付出 會照顧或好錫小朋友,肯分擔屋企嘢」。

另外港媽又提到老公早於半年前跟其他女人曖昧,當時被她發現吵了一場架,「半年前佢flirt女,俾我發現左,心虛話我唔信佢嘈完一輪,但好似總算收斂左。」港媽坦言因為此事已經對老公失去信任,只是一直以為他不會真的去搞三搞四。

港媽覺得老公已經不愛自己,對方到現在都有繼續有跟女同事私下傳訊息,但反觀對自己十分冷淡,「到而家佢都繼續有同其他好多後生女同事chat chat chat,但對我就報到式每日聊聊數個msg,個心好似已經唔喺我度」,如今再發現老公銀包有避孕套,令港媽十分崩潰,「想離婚但個小朋友得幾歲,唔知點算好..」。

帖文引起熱議,不少網民認為問題很大程度出現在夫妻性生活上,「咁妳點解唔肯同佢搞?」、「對上一次房事係幾耐之前?」、「盡量喺床上比滿足感佢先。男人滿足咗,自然萬事好商量。」、「通常都係男人系自己屋企食唔飽, 先至會出街食」。

港媽回應指有時因為懶,有時因為老公對自己態度很差令她失去興趣,「成日話我,態度又冷淡,感受唔係愛意,冇feel 搞唔到,唔知各位明唔明白呢種感受」。

另外亦有大部分網民認為事主老公很大機會是出軌,建議港媽考慮清楚自己的取向,「肯定你老公有偷食啦, 睇你自己想唔想猛, 最近睇好多文章話男人就算外面點食, 都唔會放棄家庭. 因為佢地都係怕麻煩. 好好地同你老公傾下, 以後條路想點行」、「我明白你感受,但如果是旦一方唔讓步就只好離婚,想維繫就要改變自己令佢回心轉意,佢已經好明顯係有出去食。」、「其實你會唔會直接D 表逹你既感受, 你話我或怪責我時, 我都難受, 唔想大家關係一路差落去?」。


相關文章

人妻產後性冷感叫老公約其他女人 最終揭對方嫖妓卻崩潰:要繼續假裝不知道?

老公幫忙開導感情問題 女方不斷私下傳訊息令人妻感不安:第六感告訴我情況越來越不對!

老公嫌棄自己產後有妊娠紋 出軌解決性需要令人妻心碎

【婆媳關係】新抱常遭奶奶無理責罵 事後收2千大利是補償 網民羨慕:還缺媳婦嗎?

緊貼新冠肺炎最新相關資訊