如何讓一段婚姻保持新鮮感？其中一樣就是保持儀式感，為夫妻之間的生活保留一份熱情與浪漫的感覺！近日有一位人妻在網上討論區發文抱怨老公沒有儀式感，今年的生日雖然有跟老公一起共進晚餐，但都是人妻自己選餐廳訂枱，而對方卻都沒有任何表示，連一句生日快樂都沒有，令人妻十分失望。帖文引起熱議，網民對此反應兩極，有部分人同樣重視儀式感，建議事主應直接跟老公表達需要，另一方面亦有人認為儀式感是很虛假。
近日一位人妻在網上討論區親子王國以「沒有儀式感的老公」為題發文，抱怨老公沒有儀式感，指今年的生日雖然老公有跟她一起共進晚餐，但全都是人妻自己選餐廳訂枱，而對方卻都沒有任何表示，連一句生日快樂都沒有，「已經冇要求要生日禮物同蛋糕，但係連一句生日快樂都冇」，為此人妻感到很失落，更好奇換著是其他人又會否接受到，因此發文問網民意見。
帖文引起熱議，網民反應兩極，有部分人撐事主，指同樣重視儀式感，「接受唔到。 我叫佢要講句生日快樂」、「下..如果係我，接受唔倒。我老公每年都記得我生日 ，仲會預早book定枱食野，返黎又買蛋糕比我食。雖然唔一定有禮物，但以上全部做足」、「我著重儀式感，唔好同我講係好既就日日都過節d廢話！根本節日就係節日，唔係聖誕唔會有聖誕樹，新年唔會擺桃花年桔啦！」、「根本過節就係要做d平日唔會做既事，令生活更添色彩」、「點都要講句生日快樂」。
另外亦有網民指可以接受，覺得儀式感可有可無，「我老公每年只有凌晨一句生日快樂，毛都冇一條，由拍拖至今都係咁。。。當然我自己又唔太興又冇乜所謂。」、「對我黎講每日齊齊整整，恩恩愛愛比任何儀式感來得重要」、「無儀式感無問題，一個人係唔係重視你喺其他地方會體會到。」、「儀式感對我嚟講，好造作好假好虛偽」、「完全無問題，我極唔鍾意慶祝節日，直至係憎。」。
有網民概嘆地指，結婚日子久了，儀式感就會慢慢消失。另外有人建議人妻應該跟老公好好溝通，坦白說出感受，「如你想要的就要直接同佢講, 唔係佢唔知的。呢啲就係『溝通』了」、「你可直接向先生說出你的想法,睇下佢識唔識 do 吧!」。
