2019-03-22

8.3K

聘用「年輕貌美菲傭」會否破壞夫妻關係?

今日睇到個非常Juicy嘅post,忍唔住即刻同大家分享吓。個post係問緊「聘用太索嘅菲傭,會唔會影響夫妻關係」?睇到條題嘅第一秒,我腦海中浮出一個疑問:菲傭同印印可以有幾靚?靚得過個太太咁大鑊?然後我就睇到有人話見過菲傭樣貌不錯,身型均稱,後來居然發現佢係菲律賓小姐亞軍!唔係呀化,選完個亞軍嚟做家傭,真係睇唔透佢動機係乜。

講到呢度,忍唔住同大家一齊八下靚嘅菲律賓女仔係點樣樣。原來有贏過環球小姐,真係可以靚得好交關架~

2018環球小姐冠軍 Catriona Gray

不過又咁講喇,太太生完B冇耐身材或多或少會走樣。真係請著個青春少艾,有前有後嘅菲傭,視覺上真係會有啲對比嘅。仲有JM話,如果男僱主正值壯年,喺屋企打大赤膊。然後俏菲傭一路做家務一路汗濕重衣……閘住!到底我睇緊啲乜嘢?網民嘅創作力量同幻想,真係會嚇你一跳呀!

嗱,Juicy媽唔種族歧視嘅,唔排除香港男士同菲律賓女士之間有真愛。如果你話嗰位男士係欣賞嗰位女士嘅心地、個性加埋樣貌,正正經經同人發展關係,咁又冇問題喎。但見到菲傭身材好啲就色心起,唔記得自己老婆係邊個嘅男人,就一定認真唔係咩好東西囉。

即刻上討論區一齊傾

【編按:以上內容為作者之個人意見及立場】

相關文章

結婚3年遭家暴 人妻:我應該點做?

結婚12年夫妻性格不合 由甜蜜到互相討厭 人妻有意離婚:係咪都應該放手?

婚後家庭開銷AA制 用老公附屬卡買生活用品被質問令港媽心淡:佢講到我好似呃佢錢咁!

老公精神出軌後拒絕有性生活 令港媽心酸:佢留低係咪只得責任無愛?

緊貼新冠肺炎最新相關資訊