2024-02-21

3.3K

跟老公漸行漸遠 不懂相處變「同屋主」港媽失望:感覺佢唔願意為段關係努力!

要維持一段幸福長久的夫妻關係,需要雙方的用心經營。一位港媽日前在網上分享與結婚20年的老公漸行漸遠,感情變淡,「反反覆覆嘅10年間,我不停搵原因,感覺係有咗細仔之後,慢慢變成咁。」港媽指老公變得很陌生,明顯感覺對方是避開跟自己交流,更直言「每次都要花很大力氣,唔想餘生都要這樣渡過。」

一位港媽在網上親子王國討論區以「點相處」為題發文訴苦指跟老公感情變淡變成「同屋主」,她分享與老公結婚20年,育有2名兒子,指由相識開始大家的關係一直很從容,「我比較獨立唔會痴纏壓迫另一半,佢係比較少言含蓄。」,又指自己性格開朗,健談,好易同唔同性格嘅人相處,但跟老公卻相處不來,「唯獨對老公無辦法,而家嘅佢變到好陌生,同埋明顯感覺佢係避開同我交流。」,她更形容老公是「木獨、頑固、無承擔嘅『同居者』。」

港媽透露婚後的首10年是欣賞老公,相處都很舒服,「03年迎接咗人生2個大轉變……結婚接著被裁員,由主理幾間舖嘅阿ger,到孭起個家時點知無咗經濟來源,但佢無放棄,憑自信闖過創業嘅困難,到越做越順搵到錢……嗰時相處好舒服,即使同6299同住有磨擦。」

她指在反反覆覆的10年間不停搵原因,思考為何老公跟自己越來越疏遠,「點解會走到而家嘅困景……好似係市場令佢嘅行業式微,而又重投入職場再加細仔來臨,感覺大咗壓力?但我一直從旁鼓勵,亦無吝嗇付出,唔明點解好似越行越遠咁」,港媽直言感覺老公不願意為段關係努力,卻又不願意放手。

港媽又分享指自己曾努力想修補二人的關係,可是情況沒有好轉,令她很失望「每次都要花很大力氣, 不想餘生都要這樣渡過」,坦言只想跟老公成為兩個親密關係的人,一起面對生活有商有量。

帖文引起討論,有網民勸港媽不要太執著,試著替對方設想,「年紀大咗經歷多咗,可能佢心態又唔同咗,有時男人有壓力有憂慮唔會講太多,最重要係佢依然顧家,照顧好屋企人。」、「你揀得佢自然有佢嘅優點,唔係大問題嘅話可能係你太執着,多啲包容。」、「試下欣賞佢好處,或者當同住人唔期望咁多野。如果真係分歧太大,我都覺得放生自己好。」

亦有網民指港媽如果接受不了就不要委屈自己,「一齊去搵婚姻輔導傾下?」、「當佢陌生人客客氣氣算吧」、「要放生自己咪放手」、「估計你有做很多嘢改變狀況吧,那麼唯有放棄他,好好過自己日子,有些人改變不了,不要為他毀了自己」。

另外有網民認為港媽都要反省自己對老公的方式,「其實你不如問下自己,你有冇真心欣賞過你老公? 從你講嘅嘢, 我覺得你認為自己比你老公付出多,似乎喺度怨緊佢, 你嘅重心亦都係你仔仔身上,所以佢越嚟越沉默, 越行越遠」,港媽後來回覆表示認同,「jm你講咗啲我好似忽略咗嘅嘢,多謝你,我會試吓回想當初佢令我欣賞嘅努力。」


相關文章

婚後家庭開銷AA制 用老公附屬卡買生活用品被質問令港媽心淡:佢講到我好似呃佢錢咁!

老公精神出軌後拒絕有性生活 令港媽心酸:佢留低係咪只得責任無愛?

【離婚悲劇】單親母不敵抑鬱症 先殺6歲兒子其後自殺不遂 留下遺書內容極心酸

懷疑老婆出軌 人夫崩潰:要靠食安眠藥先瞓到

緊貼新冠肺炎最新相關資訊