夫妻相處學問多，如果大家對金錢、消費的看法不一致，很容易影響感情。有港媽在網上發文，分享老公因為一餐飯而向她不瞅不睬，更指責她不懂慳家，令她大感無奈，甚至出現離婚的念頭。
該名港媽在親子王國討論區以「還是沒有勇氣，好討厭自己」為題發文，分享與老公之間的問題。她指出，老公一向不喜歡被人「搵笨」，早前夫妻答應帶兒子外出食烤肉，當時港媽與兒子先到餐廳取位後入座，老公下班後到餐廳。怎料，當老公看到餐單後面色一沉，原因是他發現菜單上每個餐點都加了價，之後就點了最便宜的餐，然後全程一聲不響，「食飯期間全程黑面，我又問咗句唔開心咩，佢話胃漲氣」。
此外，港媽又不小心多點了一罐飲品，令老公更生氣，回家後一直黑面，「我知佢已經唔爽食咗貴過之前的餐，我都冇出聲講咩，仲就住佢講『以後唔好食呢間了』」直到深夜時分，老公一直對她不瞅不睬，「我終於忙完坐低，佢突然轉個頭同我講『算了，我原諒你啦』原來成晚佢係嬲緊我㗎！！！」。
《原諒他77次》劇照
於是，港媽為此與老公大吵一架，對方指責他看到餐廳加價還入座，又批評她不接受自己的價值觀，「話我唔識慳家！我想爆粗！！離婚的心更大了！」。
網民一面倒批評樓主老公小氣
帖文引起討論，有人批評港媽的老公為人小氣和難頂，「小心唔好踩親佢條尾，一係自己搵多個錢，有咩洗自己錢唔駛就住佢」、「咁痴線既男人真係無言，依家香港乜都加價，加幾十蚊好正常，咁小事嬲一晚」、「餐廳呃佢就話俾人搵笨姐，餐廳貴左唔係餐廳既問題，係你老公食唔起既問題喎。同佢講唔順氣同餐廳講丫嘛，對屋企人出氣算咩男人啊。」
