2021-11-09

2.1K

BB撞頭腫如雞蛋 港媽開Post問「要點做」 遭網民派嬲 

小朋友受傷,身為家長會怎樣做?近日一位港媽在網上發貼,稱兒子不慎碌落床,撞到頭腫起,問「有咩可以做到?」,被網民批評「網上問症」兼派嬲。

該位港媽在Facebook群組上載了三張相片,可見兒子頭部後腦勺位置腫起,側面看尤其明顯。她稱是BB不小心碌落床所致,問網民有否試過類似情況︰「有咩可以做到?」

大部分網民認為該港媽的「網上問症」行為不切實際,質疑為何不是第一時間帶兒子去看醫生,「腫到咁冇可能唔即時睇醫生」、「腫晒都唔識去睇急症,只係上網問,真係冇眼睇」、「希望小朋友冇跌傷腦仔」,直斥「生仔真係要考牌」。

小朋友撞到頭雖是十分普遍,但亦是可大可小的事情,萬一導致顱內出血,會引起抽筋及昏迷,對腦細胞造成傷害。家長為安全起見,應先帶小朋友看醫生,由醫生作出專業判斷。

另外,家長亦可留意小朋友有否頭痛、嘔肚、視力模糊、說話含糊等狀況,且有漸漸加劇的情況,就一定要立刻送院,有機會是腦壓上升所致。


相關文章

緊貼新冠肺炎最新相關資訊