答：儲起嘅零用錢、利是錢除咗有指定用途外，亦有指定時間規限。我哋訂立目標用途之前，要知道大約需要儲幾多錢、用幾耐時間去儲（即係幾時先可以用到那筆錢），如果我哋貿貿然將已計劃用作其他用途嘅錢去滿足一個並沒有計劃嘅「想要」，會有什麼後果？就係原本已訂立嘅計劃將會被迫延遲實現，令到我哋會大失預算。所以我哋唔單止要按計劃儲錢，也要按指定時間提取金錢去完成自己訂立嘅目標。
答：主題樂園的確有好多機動遊戲、卡通人物、特別品種嘅動植物，但係你要知道我們一家人去主題樂園嘅代價亦唔少，例如門票、園區內嘅餐飲食品、卡通人物造型嘅紀念品等，每去一次全家嘅使費動輒過千元。仔細想想，因為主題樂園規定不准攜帶食物進園區，而園內嘅餐飲價格比起外面相同質素嘅高很多，令消費開支更多。我哋只係會久不久為慶祝特別事情先去一次，所以你亦要珍惜每次去嘅機會。其實放假除左去主題樂園外，亦有好多其他較為經濟嘅好去處，例如海灘、離島、郊野公園、踏單車等。
