各位Baby Kingdom讀者好，身為家長的你自然會緊張小朋友未來嘅讀書環境仲會將校網列入買／租樓考慮因素之一！。要選擇校網，就要理解一下以下依幾個數字： 11、12、34同41。依幾個數字就係指全港4個最Top名校網，入面有好多星級官津名校，喇沙、協恩、華仁、聖心...大家只要住近依啲地方就可以喺「統一派位」發揮優勢。
港島區名校網
校網11是傳統港島名校區。
●先講港島區嘅校網11，涵蓋中上環、西半山、西營盤、石塘咀、堅尼地城等，依個傳統港島名校區，如果本身想住港島可以考慮以上依幾個地方！想買／租樓又想平的話就要留意下西環尾舊樓堅尼地大廈，如果只要個校網又唔怕舊的話都唔錯。但其實租上西半山Budget都係多幾千。
校網11 全學校名單：http://bit.ly/2Mxoaix
校網12內，灣仔及銅鑼灣一帶的租盤較同網內其他地區便宜。
●而港島嘅校網12，範圍就分布在大坑、灣仔、跑馬地銅鑼灣及東半山一帶，男女校熱選兩間軒尼詩道官立小學，同名牌官中皇仁書院及庇理羅士女子中學有聯繫關係。校網12內，平租盤分布灣仔及銅鑼灣一帶，銅鑼灣嗰邊就貴些少啦。
校網12全學校名單：http://bit.ly/2OVJtM8
九龍區名校網
近年校網41學額嚴重短缺，有機會被派往鄰區校網學校。
●相信係最多人想入九龍區頂尖名校，一定要提校網41，因為喇沙小學，瑪利諾修院學校（小學部），「舊小拔」之稱嘅拔萃小學、華德學校同九龍塘官立小學，都在依個校網。但要留意近年呢個校網學額嚴重短缺，令派往鄰區校網學校的風險增加。 校網內平價買／租盤相信都要在九龍城入手，但就無升降機。九龍塘入門就有廣播道舊式屋苑百美花園屬同區最平之選。
校網41 全學校名單：http://bit.ly/2AWH0OF
●最後校網34，主要分布何文田、土瓜灣等，依區名牌中學林立，小學就有協恩中學附屬小學，旁邊的農圃道官立小學，同埋福祥街嘅馬頭涌官立小學，都好受歡迎。土瓜灣一帶而家最平租為超過半世紀嘅唐樓，何文田內最平首選「富貴居屋」俊民苑，依區都有好多的樓供大家選擇呢。
校網34 全學校名單：http://bit.ly/2vw74uH
