本人拜讀諗sir文章多年，獲益良多，希望諗sir能為本人提供一啲專業嘅意見，謝謝
本人現年48歲，金融業員工月薪約$55,000 ，每月有不定額傭金平均每月10,000 ，每月可儲蓄約四萬元以上
丈夫現年50歲，月薪$22,000 ，每月給我家用$15,000
本人現有資產如下
新界西三房單位，打算長期用作自住，市值6.8m，買入價1.98m 加按至4.8 M，現欠4.68M，月供21,000
(自己名下)
儲蓄連自住單位加按款項，買入一間洋樓三房，已成功做靚裝套房，現收租$23,600 ，買入價$4.8 M，現結欠$2.78M每月供$12,000 ，收租$23,600（丈夫名下）
10年前購入屯門兩房海景單位，買入價1.64m, 加按至1.8 M，市值約5.6M
月供$8000 ，收租$11,300 (自己名下）
另外有兩個買入價分別130,000及270,000的車位，沒有按揭，市值約1,600,000 (自己名下）。
一個自用，一個用作收租每月1750
另外有一個佔一半業權嘅車位，買入價490,000市值1,050,000沒有按揭，與家人合資。（自己名下)
每月租金2200
與朋友合資一個土瓜灣洋樓單位，打算一直收租至終身/收購，買入價2.6 M，市值4.5M，每月本人佔25% 業權的部份，收租$3500 ，沒有欠款。
現時本人有現金約600,000，相信夫婦二人可以工作至60歲才退休。維持以上嘅儲蓄額
女兒現年15歲，打算一年後往日本升學，每月開支大概二萬港元。
本人現有問題如下:
車位一個用作自用其他全作收租。本人應否將二個出租車位賣出，（因為比買入價已經升左好多倍，加上早年我其中二個已經用10幾萬買入，跟住60萬及980,000已出售）
現在手上三個車位市值大約2,700,000 ，考慮將車位賣給丈夫，按揭三至四成可取出80至1,000,000，因為本人已經為丈夫做好收入證明，所以他可以成功取得按揭，連手上資金七成投放在幾收取利息？產出的資金應該做邊一類債基呢?
還是而家車位嘅升幅強勁出售其中一個/二個 令自己不欠銀行的資金呢
answer:
住宅升唔升? 唔太關海景事。單位會否被收購? 唔係睇舊唔舊，先睇易唔易。讀者多年買入住宅及車位，謙遜讀者稱此方面所識唔多，但賺既不比人少。所以買物業去賺，難度較低。那些每天金晴火眼去睇實個市又什麼年報加乜乜大法既股市投資者，筆者只好祝佢地好運。你究竟行邊條路，自己諗。
畢竟股市總要有人輸，才會有老細肯比成二千萬洗費搞上市，才有金融業養起讀者。基於讀者搵5萬5而只係洗1萬5，竟可將收入70%儲起，但現時只得現金等於約20個月之儲蓄，咁究竟之前儲蓄是否「強度不同」? 當然老公比了70%收入做家用是愛的表現，亦有感要讀者花4千9銀去報個收息101會對佢構成好大壓力，所以咁有愛又叻儲錢之家，作為非付費學生筆者都可作答1次! 大家放心，筆者選答的個案九成仍屬付費學生。
讀者已年近50，樓市升幅大得連佢都感資產類別側在一邊，是否要減? 故來信提問。如果佢早些放開懷抱去學好股、債、匯知識，加上早部署除樓之外的被動收入，相信現金流會比今時(23600-12000)+(11300-8000)+1750+2200+3500 = 22500為高。例如將兩個車位賣左做債，利用收息101的債基B餐，18%年息之下只消投入150萬，一個月已收22.5K被動收入，即係只撥兩個車位轉買債收息，就照齊哂佢成套野。
另外劏房筆者都update了，而家唔做「劏」轉做「分租樓」。因劏房升左，較難轉按而套出錢。當然另一問題是，要當不少買樓003舊生都做「劏」之後，筆者發現原來有些人真會為某些利益去篤劏主出黎。正因如此筆者與時並進，理順客源後係只將單位稍加櫃及電器後，將兩至三房「一開四至六」，令租值大升一倍。由於連建築物條例都冇犯，所以「釘契」都唔使煩。誠然讀者用舊方法行劏，都見到筆者提出方案之威力，所以資訊係有價，新內容買樓003再談。至於你免費係網上睇到既，不少人係做左野令你容易search到佢既誘導資訊。
至於債基確實有不同類別，有些人是自己入銀行買了發現唔對路，先再返黎讀收息101求解。觀察債基絕不是看其一年升跌幅，另留意就當筆者提出之債基，有國債、有新興類、有美企類、有中資類。我們常在網上說的EMLXHYGIHYTIPX，就係想同學生分析現時那類債成? 抑或將跌。收息103學生更在上星期睇了筆者兩條諗sir會員片，助其應市。
近年坊間多了人網上答理財個案，但當中可講到底助你將樓拆名時慳稅、又知邊度按揭回贈高又或你知你身有屎要搵邊間細銀行就你易批，更將劏房轉成分租、將股票風險量化計出、及把債基分類細緻詳談的，唯有諗sir。相反股票number太多人講了，筆者自己唔講，但介紹「莊博」比你，佢功力深厚。
當然唔係話樓同車位唔好，不過人生的旅途，股票助你開局，早輸有後福。樓助你踏實前進，買得夠長先有效。債券助你收成，穩坐釣魚船。但有些心急人或心術不正的，總是上錯賊船。謹此希望讀者多儲現金，改變自己的現金流產出組合及提高其月正現金流，美滿生活在後頭。
