2020-03-06

860

財爺的定息安揭其實想玩乜?

出左財政預算案,老實講派唔派錢我就費事講喇,有正有反,知我既人都知我乜野意見,唔知既就算喇,唔講,費事到時拗到面紅耳熱。

但我反而想問下,下面呢個德政究竟搞緊乜? 我諗玩開樓既人都知,某程度上息口就算想加都真係加唔到乜,而家出呢個德政,真係唔知想點。現有息口大約2.15 可以按揭年期30年,但呢個新既plan息口高過現有既plan 要去到成2.75,重要按揭得番20年,年期又短左,唯一有著數係800萬以上既樓都可以9成按揭。我諗除左手頭上無乜錢,又一定要買800萬-1000萬呢個range 既高收入置業人士先有用,但係好事定壞事呢? 就真係唔知了。

老實講,我諗黎諗去投資開物業或真係買黎自住都唔會揀呢個plan,按揭拉短10年,每月供款真係可以差好遠。以現時咁既環境,大家都幾確定印銀紙係唔會停架喇,息口都唔多會升,我真係無乜可能揀呢個plan,至於大家點揀,大家自決喇。

【編按:以上內容為作者之個人意見及立場】

相關文章

【美國加息】美聯儲年內加息5次 香港進入加息步伐

【理財個案2022】物業升值加按創富

【樓宇按揭】物業套現資金有辦法(下)

【樓宇按揭】按揭現金回贈增加需知

緊貼新冠肺炎最新相關資訊