貧者才有向上游的毅力：誓要將爛牌打成好牌

之前看了一篇文章，其實感受有點深。其標題為： 一副好牌沒有什麼了不起，把一副爛牌打好才是了不起。

係乜?? 梗係唔係打牌喇，如果堅諗打牌既，你地賭性有D重
其實意思係講一個人既人生，有些有天生家境富裕贏在起跑線，根本從小不需要做什麼就已經是人生贏家，呢個為之手揸一副好牌。
而一副爛牌既，就應該係自小出生於好窮既家庭，天生就係人生既輸家，所有野都比唔上人，每一步都好似為他人作嫁衣裳一樣，每一步都俾人踩住上。

在香港好多家庭也會盡量將呢副好牌出千又好，搵關係又好，出千又好，搵錢去買副都好，就係想幫子女一開牌就揸住一副好牌。但好多人天生一副好牌但最終也將副牌打到爛晒，重要係打到無得番轉頭。而有一些人能將一副爛牌越打越好，終於將一副爛牌打出，成為人生贏家。

其實人生就係要有經歷才會成長，你俾到一副好牌俾下一代，但難保佢到頭來唔會打出一副爛牌，兒孫自有兒孫福，何需太刻意替佢起手就係一副好牌呢?

我自己副牌係點?我自己副牌我諗一開始係極之爛，但打下摸下，原來又唔錯，我試過本來做索子，後來貪玩就去做筒子，而家可能係做緊萬子，人生未完未知最終會點做法。但我副牌一路以來係順逆順逆咁去，我出身平凡，但我不甘於平凡，所以我無論如何都盡量會將副牌自摸，而唔會最終摸和。這是好勝，也是人既欲望，年青人一出生擁有太多，欲望就會唔高，咁又如何想得到更多呢。副牌係點，就盡量等年青一代去試下做副好牌喇，因為佢仲要教下一代，人無經歷，又點教到下一代呢?