筆者憑著早年買入之物業升值，利用按揭技巧將現金流變大，並將物業嘅價值倍大。其實現時手上有好多物業，都係喺早年相對便宜時入手，而且不時出售物業便可獲利。
業其實係可以用作cash out ，這就是轉按/加按，舉個例子：本身物業買入價為$100萬，當時做了七成按揭，即借了$70萬；到兩年後樓價升到$250萬，就當你做六成按揭，即你會向銀行借$150萬。當減去舊有按揭後，你會有正數大約$8X萬，然後利用此$8X萬作為又分開購入兩層較市場估價便宜兩成以上物業，再過兩年又做相同動作，便可令到資產急速倍大。
當然大家見到此法時，應該會膽顫心驚，因為萬一市況轉差，租金不能抵供款，或樓價走低，就會出現問題。好多人會驚市況轉差時，貨款會被銀行call loan，其實呢個可以話係一個傳說，call loan係會發生，但並不如大家所想。
1997年係有發生過call loan事件，但只針對一D做生意嘅老闆。當年好多人炒樓，好多人仲將物業轉入自己公司名下，然後做借貨；又或者用自己物業嚟抵押，再用公司名義借錢。1997年後市況轉差，好多公司盤數完全唔掂，令到銀行唯有用call loan呢個辦法去保護自身借貸，所以當時好多老闆就咁被人call loan。
但相反，如果一個打工仔，就算無咗份工，只要你定時供款，又無其它好特別嘅債項令到銀行覺得你好唔掂，暫時我都未聽過會call loan。所以轉按/加按呢個動作好取決於你係點樣做，同埋你會將錢用咗喺邊。
