香港人正路最多試過物業買賣既地方我諗就係香港，香港樓係大家做成功時大家都以為所有程序好安全吧？但實情係咪？我又可以同你講未必。
係香港物業買賣之前都試過扮假業主去買賣，而呢單就扮業主做按揭，原因係乜？咪就係果張身份證，大家有無發現係咁耐以來買賣，有無人去確定過你張身份證係真定假？真真噢~~~假假~~~ 只要相信它？
一張身份證都好難去辨認真同假，點解？因為我以前既公司其實有份出國內既Passport，佢部份重可以做到身份證，所以果張身份證基本上只係一張卡，律師樓邊有本事去查佢真定假。
我自己係澳門做過二手物業買賣，感覺上已經比香港安全多了，起碼身份證會驗下真假先。佢地會放去一部機起碼讀下chips 真假，同埋澳門係無屋契，佢地只有一張查屋紙，包唔會唔見契，因為只係去政府打印，方便簡單。
大陸，我反而覺得係最安全既房產買賣地方，我講完我深信大把人會唔信。因為大家重停留係大陸亂黎既年代，你而家試下上大陸做一次物業買賣，又要影相，又要打指紋，等等，你行出去個天眼系統試試講下反共？我估你極速俾人拉左。
你可能話咁咪乜都俾人監視？係架，但你要安全有時就有D野去犧牲。
係大陸過戶房產，果種安全，非筆墨所能形容。香港人唔好人講你又講，試下去大陸睇清楚人地果一套，了解下先去評論，一開始就戴有色眼鏡，好多野會令你睇唔到。我係大陸做一年既買賣數量，已經多過我半世買賣物業既數量，每次都係安心同放心。
