2019-07-31

996

點解唔成日食Buffet?點解唔想我做消防員?我鍾意喎.....

答:Buffet(自助餐)係一種「想要」而唔係「需要」,因為我哋每日所需只係三餐溫飽茶飯,並唔係要每餐都要食到超飽、超豐富。有時逼自己食得太多可能會更加唔舒服,同影響我哋嘅健康。咁唔係「貼錢買難受」?當然,有時同屋企人或者朋友食餐buffet 慶祝都冇問題,不過我哋更加應該將啲錢儲起,以備不時之需同埋消費於我們更加需要嘅嘢上面。

答:我知道你想做消防員嘅原因係幫到人、服務社會之餘,又可以着上醒目嘅制服。其實社會上有好多其他嘅職業同樣都可以是幫到人、服務社會,我希望你可以接觸多啲、認識多啲社會上各行各業嘅工作,了解各個職業嘅工作性質同埋工作要求,配合自己嘅興趣先至作出最適合嘅選擇,所以並唔需要急於喺現階段作出決定。

FinKAB話:小朋友對於工作種類嘅認識,大多數係圍繞著身邊接觸到嘅,或者係玩具、遊戲、卡通片內嘅角色,如警察、消防員、救護員、廚師等。家長可以透過職場體驗活動、參觀活動等,認識更多行業,發掘其興趣和潛能。

【編按:以上內容為作者之個人意見及立場】

相關文章

【從小學理財】理財路上心態才是最重要 培養子女建立積極理財態度

人有我都要有?孩子扭買玩具 父母4大必學解釋要點

【理財個案2021】全職媽媽想增加財富

【升小一理財攻略】做個精明爸媽!入學前留意鬼祟消費

緊貼新冠肺炎最新相關資訊