2020-12-21

1K

恐子女「升中呈分試」壓力爆煲立即飛英國留學?港媽Vikey:宜早不宜遲!

最近朋友間嘅話題,都離不開BNO移民英國。眼見「太空人計劃」好大可能成事,申請人及受養人唔洗同時過去英國。於是我身邊幾個朋友,即刻研究英國學校,着手安排仔女報讀。

「太空人」嘅安排,當然有利有弊,見仁見智。但係有得揀,多個選擇,始終係好事。決定移民嘅家庭,亦因此有更靈活嘅處理。如果仔女先到英國讀書,阿爸或者阿媽繼續留喺香港,就可以保住個飯碗,儲多啲彈藥。等一家人都攞到英國永久居留,就更加進可攻,退可守。

更多文章:【幾個移民媽】十年準備女兒留學 港媽Vikey:勿忘關注仔女心態

更多文章:【幾個移民媽】美國「天才班」老師大讚串錯字:最怕學生不敢犯錯

留學宜早不宜遲

我最近同「英國通」Goodbye HK Hello Billy傾計,真係感觸良多。我奉勸大家,如果你有心俾仔女去英國讀書,咁就宜早不宜遲。與其一等再等,不如立即行動,無須再等。

就好似Billy,原本打算等囡囡讀完小學,再去英國留學。然而,面對「升中呈分試」嘅超負荷壓力,以及路人皆知嘅香港現狀,佢最終決定提前留學計劃,俾囡囡早兩年成行。

佢坦言,囡囡嘅舊校其實一向出名happy,但係爲咗準備呈分試,小四嘅學生要開始特訓,測驗考試不斷。Billy漸漸發覺「唔對路」,佢慈父嘅溫柔不再,取而代之嘅係,每晚督促溫書,責罵功課邊度做錯。每次訓話之後,佢都自責內疚,恨自己點解咁冇耐性。

而家諗返起,佢都話後怕不已。正所謂,當局者迷,火爆嘅時候,邊有咁易撳得住。不過如果唔撳暫停掣,恐怕呢一幕幕責備對立,從此就變成親子日常。亦會將自己嘅寶貝女,越推越遠,成爲熟悉嘅陌生人。

於是,佢同太太促膝長談,覺得反正都打算喺英國讀中學,不如提早啲去。Billy可謂懸崖勒馬,有望修成正果。

更多文章:【幾個移民媽】美國「天才班」老師大讚串錯字:最怕學生不敢犯錯

更多文章:【幾個移民媽】十年準備女兒留學 港媽Vikey:勿忘關注仔女心態

升讀英國中學競爭大

其實早啲留學,除咗可以擺脫香港呈分試嘅無謂壓力,更加可以避開報讀英國中學嘅競爭。因爲考英國中學嘅流程更爲複雜,包含面試、指定公開試、校內成績、所報考中學自定嘅試卷等等。

再者,香港好多父母,都想仔女喺香港讀完小學再出國。當中有不少我至今無法參透嘅理由,例如爲咗打好學術基礎、學好中文、習慣吃苦耐勞、從而修心養性。我唔覺得,機械訓練打造嘅基礎,有幾牢固;亦唔認同,爲咗區區一種語言,值得錯過培養思維個性嘅黃金年齡;我唔明白,「肯捱」有幾威;更加唔清楚,「爛玩」爲何千夫所指。

唔明歸唔明,事實上的確大部分人覺得,中學過去英國先最好。於是,報讀中學嘅人特別多,而收生名額又有限,所以好嘅英國私校,升中競爭就非常激烈。

權衡之下,Billy決定俾囡囡立即動身,選擇咗「一條龍」直升中學嘅英國寄宿學校,囡囡如願升讀五年班,開始咗「真」happy嘅留學生活。

【編按:以上內容為作者之個人意見及立場】

相關文章

【海外升學Q&A】爸媽必問4大問題!升學預算?地點要點揀?

【加拿大移民】 移民卡加利有幾好?  即睇23萬港幣上車攻略 !

【幾個移民媽】英國Playdate遊玩約會 之「主場」及「作客」禮儀

《戀上英識 - 雲外千峰》

緊貼新冠肺炎最新相關資訊