香港地競爭激烈，學生們的讀書壓力大，家長們總希望孩子可以贏在起跑線，下班後還要「陪太子讀書」，令彼此的壓力都很大。有港媽在網上發文，大呻小學的兒子不受教，每次教他溫書都十分勞氣。
該名港媽在親子王國討論區以「陪太子溫書一定會勞氣？」為題發文，指就讀初小的兒子成績中上，她自問緊張兒子的成績，而每次陪兒子溫習都很勞氣，「要旁（傍）住先識溫重點，過程有駁咀，有時唔受教，見到唔識自己又忟，教佢真係頂住度氣」。
她明白媽媽不易做，「見好多jm 仔女都自動自覺，又唔點溫都成績好，只有羨慕的份兒」。
《理想國》劇照
帖文引起不少媽媽的共鳴，「完全明白你感受，我仔仲有兩星期考試，依家我都每日勞氣緊」、「唔點溫都有好成績，只佔好少數，去到考公開試更明白『路遙知馬力』的道理。勞氣就預咗，睇自己認為值唔值得」。
亦有網民認為媽媽不需要太緊張，「其實只初小，成績中上唔好太緊張，肯比你同佢溫已好乖」，亦有人認為可以聘請補習老師，「外判補習，免傷和氣」。
