2020-04-27

4.5K

小朋友太心急!見到鍾意嘅嘢食就搶嚟食...用呢3招培養小朋友耐性!

好多時小朋友明知道要等待,但就係忍唔住手⋯⋯例如提過好多次,仍然將未清洗嘅食物放入口,或者見到人哋手中有自己鍾意嘅食物,就即刻搶嚟食。呢啲時候,家長好容易煩躁,大聲咆哮:點解你要明知故犯?!小朋友缺乏耐性,仲要「屢罵不改」,媽媽應該點教?

討論區熱話:小朋友「屢罵不改」

討論區熱話:小朋友「屢罵不改」

網民就有唔同意見:

「要訓練小朋友等待,等夠時間先食得。」

「4歲仲好細個,試下用獎勵方式。」

「好小事,小朋友長大後回想就會覺得好可愛!」

更多文章:面對嬰幼兒不當行為,說「NO」好嗎?(上)
更多文章:面對嬰幼兒不當行為,說「NO」好嗎?(下)

家長都希望自己小朋友有自控能力,唔好太心急,唔好隨便發脾氣!因為呢啲行為令人討厭之餘,更怕三歲定八十,奠定咗小朋友一生嘅性格。但當提醒、警告,甚至責罵都冇用,做媽媽嘅不禁會諗,小朋友係咪聽唔明人話?

香港保護兒童會註冊社工曾講過,當小朋友有唔恰當嘅行為,責備未必係最佳方法。家長嘗試去正視小朋友嘅需求,或者係一個解決方法。

嘗試利用以下3部曲,改善小朋友嘅耐性!

第一步:先認同小朋友嘅需要(如:媽媽知道你鍾意食,好想快啲食到。)

第二步:簡單清晰嘅指令(如:而家將食物畀返人哋。)

第三步:提出其他選擇(如:媽媽會再準備畀你。)

可能你會話,講就易啫,火都嚟時邊有咁冷靜?鯊魚太表示,我都覺得好難,不過我更加唔想陷入惡性循環⋯⋯我想小朋友有耐性,但我發晒火咁鬧人,都唔係幾合理啦!

更多文章:面對嬰幼兒不當行為,說「NO」好嗎?(上)
更多文章:面對嬰幼兒不當行為,說「NO」好嗎?(下)

【編按:以上內容為作者之個人意見及立場】

相關文章

3歲童突鬆開媽媽手 衝出馬路被撞飛入ICU 醫提醒父母做2件事!

女兒美術功課「我的爸爸」變成「畫我的爸爸」網民笑言:要把爸爸當功課交出去了!

小朋友常亂發脾氣大暴走 爸媽必學4個步驟穩定情緒

【港識教育】別亂說 5種「傷害孩子大腦」的話 影響孩子身心發展

緊貼新冠肺炎最新相關資訊