2022-07-06

942

老爺奶奶常餵零食致小一女超重 港媽:一阻止全家都當我罪人

香港地生活成本高,衣食住行樣樣貴,為了節省開支,不少夫妻婚後都會與長老同住,但兩代人在生活習慣,以至育兒觀念方面大不同,以致時有衝突發生。有港媽在網上發文,指同住老爺奶奶經常擔心孫女吃不飽,並向她提供大量零食,導致年紀小小的女兒已有超重傾向,她出言阻止後,竟被老爺奶奶和女兒視為罪人,令她大感難受。

該名港媽在親子王國討論區以「6299話我唔俾飽飯個女食,連阿女都覺得我係…」為題發文,指她與丈夫育有一女,一家三口與老爺奶奶同住,長老們的思想較傳統,經常擔心女兒肚餓,並為她準備大量零食,「得閒無事就俾好多零食佢食」,以致今年就讀小一的女兒開始有超重的傾向,「平時已經郁得唔多,疫情之後直頭行步路都懶」。

為了改善女兒的體重問題,港媽為她減少飯量,亦很少讓女兒吃零食,但老爺奶奶卻常常唱反調,「係咁買零食俾佢」,以致女兒不願意吃正餐,「而家個女知道有人會俾零食佢食呀,正餐求其扒兩啖就算,轉個頭就走去問爺爺嫲嫲拎糖拎薯片」。

當老爺奶奶知道港媽為孫女減飯量,更批評她要女兒捱餓,「點做人阿媽,知唔知醜」,港媽亦向兩老解釋女兒超重的情況,但他們卻不接受,「佢哋梗係當耳邊風,啲說話仲要愈講愈難聽,仲話細路仔怕咩食零食,肥啲可愛啲仲好」。


《反起跑線聯盟》劇照

港媽表示,沒有人比她更愛錫女兒,而且一切的決定都是為女兒的健康著想,沒想到卻被老爺奶奶和女兒當成罪人,「連個女覺得媽媽唔俾佢食零食係衰人,我真係心都灰埋」,於是向網民尋求意見,「各位JM有無遇過呢啲情況,點處理好?」

帖文引起熱議,有網民建議港媽不要與老爺奶奶同住,「搬啦,一齊住害左你個女,一來超重肥胖,二來唔食正餐食垃圾營養不良,三來無大無細唔再聽你講」、「如果搬唔到走,就搵你老公同佢地講啦…唔通想個女變大肥妹咩?」、「同長老住預左有麻煩」,亦有人建議找營養師介入,「帶埋兩老去見醫生或營養師?有時要搵個專業人士黎講會好啲」。

亦有過來人分享經驗,指長老們很喜歡用零食哄小孩,「我試過比咗粒糖我女食,99 見到即刻攞成包出嚟話比佢,比我阻止咗。」、「我聽朋友試過一個方法,小朋友都係小一,女仔…情況同樓主似,佢就狂買麥當勞、貴朱古力、雪糕、帶女去360任買,正餐唔食即遞上薯片零食…兩老驚過佢,兩星期後個女食到驚」、「攪唔掂就同個女做洗腦教育,比勁多超肥女仔醜樣相佢睇,話佢再唔介口就變成咁既樣,再著唔到靚衫。」


相關文章

【育兒鬆一Zone】管教Do & Don’t

【管教子女】湊仔湊到火爆?7句說話教你避免同子女有衝突

【教育方程式】父母切忌5種行為 傷害子女弱小心靈!

【教育方程式】幼兒成日大發脾氣 父母必學5招保冷靜

緊貼新冠肺炎最新相關資訊