2020-07-31

1.3K

子女愛發脾氣又常作出攻擊行為?7大改善策略話你知!

最近有無家長發現自己子女唔單止喜歡事事講「唔要!」仲會動不動就發脾氣郁手打人? 作為父母睇到真係好頭痕,擔心久而久之打人會變成佢哋嘅壞習慣,所以都想盡早教好。不過,糾正佢哋行為之前,應該要先了解下小孩動手打人嘅原因。

小孩嘅攻擊行為最常出現喺1歲半至3歲之間,呢個時候出現嘅踢人、打人、咬人或者亂掉嘢等行為,都唔見得係想有意傷害其他人。而係佢哋語言發展尚未成熟,有時嬲起上嚟又唔識解釋,就會郁手郁腳嚟表達不滿。 不過!如果閣下小朋友到咗5歲都無辦法控制自己、依然會亂打人,家長就要了解背後原因,必要時要諮詢專家意見,以下四個係最常見小朋友會郁手郁腳嘅原因。

熱門討論區:K1,已被老師投訴幾次了

更多文章:孩子打人問與答

原因一 : 興奮表現嘅打人

原因二 : 玩具被搶、地盤被侵略、嬲而打人

原因三: 想與人互動,但唔識控制力度而打人

原因四:被忽略所以想引人注意而打人

家長唔好因為小孩年紀細,就唔幫佢哋糾正行為。壞習慣一兩次就可以學識,而且唔理唔關注,日後只會更加難改善。好習慣就要持之以恆先可以養成,以下7 大改善方法,可以供家長們參考一下:

1. 小孩犯錯要當下立即制止以及糾正,大人態度需一致,俾小孩知道呢種行為係唔容許。

2. 小孩如果情緒失控,可以帶佢先離開現場搵個人少嘅地方,雙方冷靜情緒後再溝通。了解事情來龍去脈同小孩諗法,嘗試給予正確觀念。例如同小朋友講:「雖然好想玩同一個玩具,下次可以將諗法講出嚟,同人講自己都想玩。可唔可以輪流玩呀?或者一齊玩?」

更多文章:孩子打人問與答

熱門討論區:K1,已被老師投訴幾次了

3. 家長應帶小孩同被打的一方道歉,嘗試帶領小孩講出原因:「頭先因為爭玩具而打你,我唔應該咁做,對唔住。」讓小朋友知道自己做錯事會令對方唔開心,懂得認錯。

4. 處理完之後,一定要俾小朋友知道家長只係唔鐘意打人行為,並唔係唔鐘意佢,俾佢明白家長係對事不對人。

5. 處理小孩暴力行為時,家長們需要嚴肅但情緒要冷靜,太嬲就唔可以理性咁處理及善後。而且,一定唔可以以暴力行為制止小孩,如果唔係佢哋只會有樣學樣,變得情緒化及更常使用暴力。

6. 適時提供發洩情緒嘅管道,例如畫畫、一齊整勞作。如果體力過剩就帶小朋友去做運動,減少情緒失控導致嘅攻擊行為。

7. 多聆聽小孩嘅心事,亦可以從日常傾談中了解佢哋嘅價值觀。有好嘅對待事情態度就給予讚賞。相反有犯錯嘅時候,就糾正行為以及灌輸正確價值觀。

【編按:以上內容為作者之個人意見及立場】

相關文章

緊貼新冠肺炎最新相關資訊