2020-07-22

3.9K

【二寶媽媽】湊B心得。第二胎比第一胎照顧得更輕鬆

轉眼間,妹妹已經四個幾月大。
你問我,湊兩個小朋友攰唔攰?我話唔攰就一定係假嘅,但如果以第一胎同第二胎比較。我覺得第二胎,真心比第一胎輕易好多。

可能有經驗,二來和牛B好似個小助手同神隊友一樣咁。所以,我輕鬆好多,換條片都會有人遞濕巾/濕棉或、尿片、甚至係幫我舖好換片墊。有時,如果我煮梗飯唔得閒安撫扭計嘅妹妹,和牛B仲會好主動幫我安撫妹妹。

而妹妹嘅發展進度,亦超乎和牛B。和牛B當年5個月都還未識反身,妹妹四個月左右就能夠輕易反身!!

以前和牛B第一胎關係,一喊就特別緊張! 通常都係即刻抱起佢安撫,但要照顧2個小朋友的話,已經無可能馬上去。亦因為咁,妹妹都養成自我安撫習慣。啜啜手指,安撫自己…有時仲會瞓埋。

家姐嘅眼裡面,從來都唔會離開過妹妹。
所以作為媽媽,我真係好幸福,好開心! 因為有一個懂事、體貼嘅女兒。

而妹妹呢? 絕對係,有個家姐的妹妹像個寶啦~

【編按:以上內容為作者之個人意見及立場】

相關文章

【生多個?】你要先問問自己的5個問題

緊貼新冠肺炎最新相關資訊