2020-08-11

7.5K

【幼教大地震】開學不上學幼師恐飯碗不保 幼教導師剖白:望關注幼教問題

教育局於早前宣佈全港學校「如期開學」,並由校方自行決定開學日期,惟目前將不能面對面授課,意味著全港學生將於新學年改由「網上授課」,對於教育模式的突發改變,令家長與學校,甚至老師們亦無所適從;應如何準備課程,同時又能確保學生的學習進度?而在各個學生界別中,幼教更面臨前所未有的大挑戰!

在教學方面,幼兒從幼稚園中除學習基本知識,更重要的是訓練自理、適應群體生活等,而大小肌肉發展活動,亦較難以網上授課完全取代,而在教職員人手分配上,由於幼教範圍原需要大量「人力資源」,在網上授課期間,令不少校工姨姨或助教等被視為「無工可做」,面對「退學潮」學校為削減資源,唯有裁員以節省開支。

身為幼師同工的「忌廉仔の日常」近日就在社交平台專頁上分享細數幼教苦況:「明明發生咁大件事,但係好似冇咩人出聲,咁唯有由我去講講依家幼教界面對緊嘅問題。」並列出幼教界正面臨3大困境:(節錄)

1. 幼師失業潮

不論喺「教師心聲」、「幼教secret」、甚至係我身邊認識嘅同工(以及我自己),都因為疫情關係失去工作。校方嘅立場係:「既然開學無期,我哋亦唔需要咁多老師。」所以好多學校都出現炒人潮。不論係有豐富經驗嘅資深老師,還是啱啱畢業搵工嘅fg(fresh grad:應屆畢業生),大家都認同嘅一點:超級難搵工!

除咗炒人之外,仲有出現好多問題包括: 簽咗約嘅同工被彈約、無薪假、被轉半職、扣人工等等。

2. 學生退學潮

復課無期,唔少家長因為唔想白畀學費而選擇退學,特別係N班幼兒。呢點其實真係唔可以怪啲家長,因為俾咗錢,但係冇得返學又真係好慘。但係呢樣嘢就好影響到幼稚園嘅運作,特別係依賴學費為生嘅私校。

即使係有學券嘅學校,其實都會遇上困難,因為現時嘅資助額係按學生人頭計,退學潮好影響學校嘅運作。

3. 幼稚園結業潮

基於上述提及嘅退學潮問題,特別係私校,會出現結業潮,之前喺某報章表示現時已有6間私立/國際學校因出現運作問題而結業,如果政府相關部門唔再做啲嘢,我相信結業潮陸續有嚟。

「忌廉仔の日常」表示希望大家在討論中小學問題時,亦能關注到幼教界發生的問題,並懇求教育局為學校與導師們提供保障及指引,他說:「唔好淨係將個波拋畀學校就算,嗰句『而家每一個行業都係低潮,唔係淨係幼稚園。』呢句真係難聽過粗口。」


相關文章

K1小朋友學嘢慢怕追唔上 復課後應重讀一年嗎?

緊貼新冠肺炎最新相關資訊