2020-05-27

4.2K

【復課防疫】放學入屋前做足「防疫六步曲」 唔怕帶病菌返屋企!

學童復課對家長都算係一個好消息,總算唔使再困獸鬥!但其他憂慮又逐漸浮現:怕放學帶病菌返屋企,怕口罩唔夠用⋯⋯防範於未然,復課前先同小朋友練習以下入屋「防疫六步曲」,就安心好多啦!

更多文章:【新冠肺炎】預防細菌跟入屋!家中出入管制必備流程表

放學入屋防疫六步曲

1. 喺門外除鞋同消毒

對鞋帶住外面嘅細菌,最好唔好入屋啦!於家門外先除鞋並加以消毒,門口鋪消毒地毯就更好喇。

2. 以梘液徹底清洗雙手

教小朋友用梘液搓手至少20秒,再用清水沖洗!

3. 消毒書包同隨身物品

用酒精棉或消毒濕紙巾,將書包或隨身物以消毒同抹乾淨。

4. 除底口罩並妥善棄置

確保雙手清潔後,可以除底口罩,並妥善棄置喺有蓋垃圾筒。

5. 即時清洗衣服同晾曬

將著過嘅衣服清洗或噴灑消毒噴霧,再掛在空氣流通的地方晾曬。

6. 立即沖涼同換衣服

除底返學著嘅衣物後立即沖涼,然後換上家居服。

復課後每月口罩用量計算

小朋友準備復課,係時候好好計算下口罩存貨應唔應付到返學!參考以下學童每月口罩用量計算:

• 幼稚園至小三學童:6月15日至7月15日(共23日)
預計每日需要兩個口罩,再帶兩個口罩備用:23x4= 92個口罩
• 小四至中二學童::6月8日至7月15日(共28日)
預計每日需要兩個口罩,再帶兩個口罩備用:28x4= 112個口罩
• 中三至中五學童::5月27日至7月15日(共36日)
預計每日需要兩個口罩,再帶兩個口罩備用:36x4= 144個口罩

註:唔同學校返學日數、時數都會有分別,家長可再自行斟酌。

復課必備執書包清單

咁耐冇返學,擔心書包執漏嘢?參考以下執書包清單就唔怕啦~

• 口罩(小朋友戴住1個,書包3個)
• 酒精搓手液
• 文具/筆袋筆盒
• 水樽
• 教科書

放咗咁耐假,家長對復課可能會有一定焦慮,但只要做足準備就唔需要過於擔心!

醫院管理局都有喺社交平台提供復課執書包攻略,仲提大家有樣嘢好重要,記得要帶出街呀!


相關文章

【口罩情報】《東張西望》主持戴透明口罩方便出鏡 真係防到病毒?

暑假期間 無懼疫情學畫畫跳舞?網民:做足防疫措施都好驚!

【新冠肺炎】病毒可由境外冰鮮食物輸入?醫生:機會極微 毋須過份憂慮!

【疫情下的反思】別人眼中的確診編號 也是愛妻號的故事

緊貼新冠肺炎最新相關資訊