香港人生活忙碌，工作逼人，有些家長甚至連陪伴小朋友的時間亦欠奉。日前有網民在社交平台發文，指見到大部分家長帶小朋友到公園玩樂，都只顧玩手機，認為「孩子最想要的就是父母用心的陪伴」。就此，並非所有人都同意。有人認為帶小朋友去公園，放心讓他們自己可學習到社交，有自己的空間去認識新朋友；亦有人表示家長應注意小朋友安全，不應放任不理。
網民在「生仔要考牌系列」匿名投稿，表示最近因應疫情放緩，公園重開，很多家長都會帶小朋友去公園「放電」。然而，投稿者卻發現大多數家長去到公園都只會坐在一旁玩電話或睇片。即使有家長跟著小朋友四圍走，都是正在玩或傾電話，或是數名家長「自己吹水」。投稿者才發現「我同我小朋友嚟公園玩，就係帶佢哋嚟由得佢哋自己同人玩。」
投稿者在貼文中補充，明白家長帶小朋友去公園玩都是想放鬆一下，亦知道「細路仔有伴玩當然開心」。不過，據她所經歷過的事件，認為不少小朋友都希望父母帶自己到公園玩時「真係一齊玩，而唔係喺度玩電話囉」，表示孩子最想要的就是父母用心的陪伴。
「話說，今晚我同我兩個仔玩緊嘅時候，遇到個小朋友一直跟住我，引我注意，可能佢想同我哋玩，但完全溝通唔到（估計係東南亞裔）。後尾，我哋同佢一齊玩咗陣就返屋企，我諗佢係想屋企人陪佢玩，但佢屋企人淨係掛住睇YouTube。」
貼文一出，留言卻是兩個極端。有網民認為帶小朋友去公園玩，目的是讓他們學習社交及認識新朋友，父母跟著只會「阻住晒」。隨即有人反駁，「喺街應該安全至上」，家長不應只顧玩電話而妄顧小朋友的安全。也有人認為「保持距離，確保安全，大家都擁有一定自由就最好。」留言者表示小朋友都需要學習社交，遇上推撞時要懂得保護自己，「喺公園玩跌倒要識得起返身！」
