2020-07-13

1.2K

不惜一切培養小朋友成材⋯⋯ 前路掌握喺父母手上定應該放手由子女尋找?

為咗子女成材,你會唔會變賣家產、甚至兩夫妻分居兩地?

父母悉心栽培加上良好師資,固然係造就子女邁向成功嘅肥沃土壤。最近網民熱烈討論數學神童沈詩鈞爸爸發現囝囝天份後,致力造就成功傳奇嘅事蹟。

熱門討論:最好教育是自學

近日閒逛網上討論區,睇到有網民分享有「數學神童」之稱嘅沈詩鈞嘅爸爸--沈振雄先生嘅採訪文章。沈詩鈞以9歲之齡入讀大學而一舉成名,沈先生指出他的教養見解:小朋友一日唔想跑,就唔會有起跑綫。沈先生曾辭去上市公司副總經理,陪同長子到英國求學,詩鈞入讀浸大時亦陪讀咗一年。

網民對沈先生盡心盡力栽培子女感到敬佩,更慨嘆自己未必能夠捨棄一切成就子女。反之,小朋友係咪真係想父母安排好一切?

熱門討論:最好教育是自學

「小朋友想起跑都要睇係開心地跑,還是苦著嚟跑,想小朋友成材唔應該刻意去追求短暫目標。」

「每個小朋友都有機會成為精英,除咗靠學校同老師,家長身教都好重要。 」

「為子女付出一生咁多時間、金錢同精力,小朋友都未必會感激⋯⋯」

「只要小朋友活得自在, 從未要求特大成就。每個小朋友各有所長.家長能夠理解同引導子女發揮所長已經很好了。」

「家長教到小朋友嘅非常有限. ,呢個年代資訊方便, 負擔得起的可以為小朋友報讀優質課程。」

「每個孩子的成長步伐唔同,最想子女身心健康地成長,追求成續或者成就就係小朋友自身選擇,生涯規劃亦要睇小朋友興趣。」

有人認為子女成功有賴父母大力支持,但亦有人覺得生涯規劃應交由子女自行考慮,成為尖子與否都唔係最重要。你又點睇呢?

【編按:以上內容為作者之個人意見及立場】

相關文章

緊貼新冠肺炎最新相關資訊