2017-10-03

4.2K

小朋友經常遊魂?用這3句說話代替催催催

20171003_QUICK

開學一個月了,還有誰家中的哥哥姐姐們仍然雲遊太虛的呢?

有誰家的孩子怎麼叫都叫不動,讓你懷疑到底是聽力有問題?還是腦袋有問題呢?

以下的對話有誰覺得很熟識的呢?

「小明,夠鐘出門口啦~動作快尐啦」「等一陣啦,就得啦」

「小明,7點半啦,再唔出門口遲到啦~快尐啦」「就得啦,你好煩呀~」

「我好煩?你估我想架?你唔睇下而家幾點?日日唔叫你都唔郁!」「我咪著緊襪囉,成日喺度催催催,黑人憎」(淚!)

仲有,

「小明,9點啦~做完功課未呀~快尐啦」「做緊啦~」

「吓?一個鐘頭寫得嗰3行詞語,仲有4行未寫,仲有其他功課都未做,你想做到幾點呀~~」(這次到媽媽淚!)

「小明,飯都凍哂啦~仲唔快尐食?」「食緊啦~」

「食咗半個鐘都食唔到半碗,你想食到幾時呀?」

有些家長會有一個不錯的方法,就係數秒,有尐數3秒有尐數10秒,甚至用計時器計時,限時之內要出到門口,或者要完成某件事情,否則會有後果。例如,明明話換衫去公園玩,但換衫換太耐,於是媽媽便計時,限時內未能準備好出門口就取消或減少公園時間。

這個方法不錯,可是爸爸媽媽們要記得,數完如果都唔合作,所協議的後果必需立即執行,否則都係無用。例如限時之內要吃完飯,吃不完就收起飯餸,不可再食,直至下一餐。不要計時後又繼續等,或者收了飯菜不久又給零食麵包,否則就無用。

而且不要每次都用這招,因為他們一旦習慣了,便會無效。大家可以準備三幾個方法,交替運用。

小米介紹其中一個方法,就是適時鼓勵。舉例如下:

1. 「小明,我覺得你今天進步了,昨天做功課做到11點,今天10點半就完成了」

2. 「可是,你還是來不及該睡覺的時間去睡覺,為了你的身體健康,9時以前就該睡覺了」

3. 「不過媽媽知道,你明天會做得更好,媽媽相信你明天可以10點以前就做好功課上床睡覺的,對嗎?」

爸爸媽媽們不要一直批評孩子,如果一直批評孩子,他們會越來越慢,尤其是某些事情可能根本就不是他們的能力可以做到。

 

【編按:以上內容為作者之個人意見及立場】

相關文章

【好物分享】dokiPal兒童智能手錶

處理不當行為 指令要簡而精

獨生子女會容易出現問題嗎?

孩子容易膽怯怕黑,怎麼辦?

緊貼新冠肺炎最新相關資訊