2020-08-03

1.4K

暑假期間 無懼疫情學畫畫跳舞?網民:做足防疫措施都好驚!

疫情重燃提早放暑假,但小朋友都只可以好乖乖留喺屋企⋯⋯家長預先畀咗錢安排嘅精彩暑期活動多半成為泡影,仲可能一個仙都拎唔返!但原來仲有家長有帶小朋友去參加畫班、跳舞班或劇團等興趣活動,真係聽到都有啲驚驚呀!

網民熱話:

「我見畫班仲有人上」
「個個咪抱住僥倖心態囉...」
「條命仔緊要過讀書,一定唔會俾囡囡冒險」
「個人覺得,如果小班又做足安全措施,上暑期班真係冇乜問題!」

熱門討論:冒險都要上暑假班?

熱門討論:冒險都要上暑假班?

雖然大部份網民都唔贊成而家仲上暑期班,但都有人覺得如果係小組活動,加上做足消毒都可以接受!個個家長考量唔同,有人可能覺得,日日困喺屋企都會困出心病⋯⋯不如喺可行情況下畀小朋友放吓電。

小朋友行程多半由家長決定,其實父母都有一定嘅壓力。太緊張又怕令小朋友太苦悶,想帶小朋友出門唞啖氣又驚⋯⋯因為冇人知道點為之「一定有事」、點為之「一定安全」!不過,我就認為都係小心為上比較好~

就算做足防疫都唔可以100%放心,何苦呢?

【編按:以上內容為作者之個人意見及立場】

相關文章

【新冠肺炎】政府宣佈周五起放寬部份防疫措施!堂食至晚上9時 豁免於郊野公園佩戴口罩

【留家抗疫】劍球訓練創意專注力 協會創辦人:唔係跟住說明書玩

【新冠肺炎】減少外出小朋友留家睇片 11部有趣學英文卡通

【疫情下的反思】別人眼中的確診編號 也是愛妻號的故事

緊貼新冠肺炎最新相關資訊