2020-07-27

5.4K

獨立如廁大作戰 4招讓寶寶便便也順利

小寶寶成長階段除咗學習爬行、學行路之外,學識唔洗父母協助下自己去廁所,都係一個重要里程碑!相信好多爸爸媽媽都試過同小朋友出街,問佢哋急唔急、去唔去廁所?佢哋都未太識判斷咩叫急定唔急,最後可能忍到返屋企甚至會瀨尿。 各位家長不如善用呢個在家抗疫嘅時刻,幫小朋友戒尿片迎接復課日!

熱門討論區:求指教!4歲仲未肯坐低poo poo

更多文章:10個訓練孩子上廁所小貼士 

第一招 – 留意寶寶行為

年紀比較細嘅小朋友,未必識用說話方式向家長表達想去廁所,家長們可以留意佢哋嘅行為,例如﹕想去小便時會按住生殖器、扭動身體、突然蹲低。當佢哋有咁樣嘅行為嘅時候,就可以同小朋友講要去洗手間喇,將詞語同行為連結,令小朋友理解兩者之間嘅關係,急小便/大便 = 去洗手間。

第二招 – 階段式戒尿片

唔需要急著即刻戒片,要慢慢等佢哋適應。可以先揀一日一個特定時段俾小朋友訓練唔著尿片,進度良好就可以嘗試成個朝早唔著尿片,再慢慢俾子女完全戒哂著尿片。例如 : 早餐到晏晝時段都唔著,如果尿片一直無濕就可以嘗試著到夜晚。

熱門討論區:求指教!4歲仲未肯坐低poo poo

更多文章:10個訓練孩子上廁所小貼士 

第三招 – 嘗試閒時坐馬桶

就算寶寶無便意,都可以俾佢哋習慣下坐馬桶嘅感覺,每次訓練時間約5至10分鐘。呢個訓練目的主要係想小朋友熟悉去洗手間/去廁所呢個活動,不至於抗拒或排斥。

第四招 – 一套去洗手間完整次序

其實去洗手間除咗大小便之外,都包括排隊、去廁所、用廁紙、沖廁、整理衣服等步驟。可以同小朋友去自己屋企個洗手間,每一個步驟都演繹一次俾佢哋睇,然後可以引導佢哋做一次,令小朋友對如廁步驟更熟悉!

整個如廁訓練過程中,大約用6 至8 個月時間訓練。喺訓練早期,小朋友會出現嚟唔切講而瀨尿,係非常常見。佢哋需要時間去適應控制膀胱,千萬唔好操之過急而造成壓力!廁所亦可以貼上一啲小朋友鐘意嘅貼紙,俾佢哋有安心嘅感覺,亦可以播放柔和音樂俾佢哋放鬆。記得訓練期間要給予鼓勵同安慰,令佢哋更願意去戒除尿片!

【編按:以上內容為作者之個人意見及立場】

相關文章

【育兒心得】幼兒必經之路。戒片階段。戒片KO!

【戒日片篇】我的孩子準備好了!5日與尿片say goodbye

【戒片系列】出門小便器+兒童專用廁所板

10個訓練孩子上廁所小貼士

緊貼新冠肺炎最新相關資訊