2020-05-29

2.6K

盡早了解遺尿症成因 小孩不再尿床乾爽瞓一晚

瀨尿,幾乎係每位小朋友成長路上必定遇上嘅難關。根據香港衛生署學生健康服務中嘅健康資訊提到:「如果5歲或以上的兒童日間排尿正常,只在夜間瀨尿,而每月次數多於兩次,便是患了夜遺尿症。」

睇到呢到,各位媽媽唔洗過於緊張,或者去責備小孩。 回想返我哋小時候,都經歷過夜晚瀨尿整濕床單嘅經歷,心知呢種情況並唔係小孩故意嘅。 先了解「夜遺尿」成因,然後著手去幫助小朋友一齊摵甩呢種成長痛!

更多文章:「咁大個仲瀨尿?」切勿漠視尿床嚴重性!或可能患「兒童夜遺尿」

夜遺尿是什麼?

夜遺尿可以分為繼發性同原發性兩種,繼發性係指兒童本身已經可以控制夜間小便,只係忽然再次開始有夜遺尿嘅現象;而原發性係指兒童係成長過程中一直未能控制夜間小便。兒童夜遺尿並非行為問題,構成夜間尿床一般唔係小孩自己能夠控制到。

5大可導致夜遺尿的因素

遺傳
若果父母曾經係夜遺尿症患者,佢哋嘅小朋友就有四分之三機會患上夜遺尿症。 如果只有父母其中一位曾經係夜遺尿症患者,咁佢哋嘅小朋友就有二分一機會患上。

功能毛病
每個人嘅膀胱容量都唔一樣,有啲小朋友膀胱容量比教細,所以膀胱本身就唔可以儲存太多尿液,好快就急尿。另外有膀胱控制嘅問題,令到每次飲水都會刺激膀胱肌肉收縮,使尿液排出。

抗利尿荷爾蒙不足
呢種抗利尿荷爾蒙不足,會導致患者係夜間製造成過多尿液,以出現夜遺尿嘅情況。

發展遲緩
某部分兒童排尿功能可能未發展成熟,導致較遲建立自我排尿控制。

個別因
某部分兒童一覺瞓得好沉,完全感覺唔到膀胱漲滿,即係俗稱急尿嘅感覺,導致無自覺性起身去排尿,而出現夜遺尿情況。

更多文章:寶寶唔識表達又唔肯講嘢?認識語言發展遲緩定義

睇咗以上5 種成因,相信各位父母都明白小朋友尿床嘅問題,並唔係小朋友教唔聽或者係懶瞓唔捨得去廁所,確實係有小朋友無法自控嘅情況出現。知道咗成因之後,就象徵住家長們要正視喇!而唔咪學長輩咁講:「大大下就唔會瀨尿嫁啦!」

夜遺尿可以影小朋友身心健康學習能力

夜遺尿症嘅出現,或多或少都會影響到小朋友身心健康,點解?因為部分患者會因為尿床而感到無自信心、自卑同埋覺得羞恥。呢種情緒亦會影響到學習心情,或者不敢與其他人溝通,所以家長應該及早帶小朋友到醫生作檢查及評估,等小朋友摵甩夜遺尿症!

【編按:以上內容為作者之個人意見及立場】

相關文章

關於孩子尿床,常見的6個疑問

五歲以上尿床,或與 '疾病' 有關

如何應付子女尿床

緊貼新冠肺炎最新相關資訊