2020-08-05

939

面授課程遙遙無期 想小孩自律溫習功課要點做?

自律係一件相當重要嘅事,小孩長大後並唔會有家長時時刻刻陪伴左右,佢哋需要對自己嘅一舉一動負責任。小孩將來的成就與自身品德,成為一個主動或被動的人,就取決於家長由幼兒教育如何管教。先睇睇沒有自律嘅小孩會有咩壞習慣?

熱門討論區:自律做功課

更多文章:疫情加溫9月開學無望?網民:網上教學成效有限 家長好難做

1. 就算具備自理能力,都不會自己落手落腳做,都認為係家長應該幫佢哋完成。小事例如:著衫著鞋、食飯要人餵、功課要人三催四請先做、書包從來唔識自己執、唔會收拾玩具。「呢啲嘢爸爸媽媽應份幫我做嘅。」呢種理所當然嘅概念深入腦海,處處依賴父母,離開父母後大小事就唔知點樣處理。

2. 因為事事有人幫助完成,所以無機會學識負責任。

3. 沒有時間觀念,會有遲到或不準時都無所謂的態度。

4. 缺乏自我思考經驗,學校學習能力比其他人慢。

5. 不知道正確待人接物態度,人際關係會受影響。

熱門討論區:自律做功課

更多文章:疫情加溫9月開學無望?網民:網上教學成效有限 家長好難做

相信小孩嘅能力 適當時候放手

當小孩仲細,去培養佢哋自律嘅時候,家長難免會有擔心,但信任小孩嘅能力係非常重要嘅第一步。日常生活中,食飯、刷牙、自己著衫呢種自理能力,係家長學識信任孩子能力嘅最好時機。

小孩自己第一次著衫,必定會係著到東歪西倒,紐扣扣唔好,唔洗急於去幫助執正,可以放手俾佢哋試一次,完成後可以一齊睇下邊方面可以做好啲。例如衫紐可以先解開先穿,會更容易著。 甚至可以從旁拍攝,與孩子一起回顧或可以當佢成長紀錄亦可,係一個溫馨簡單嘅親子活動。

讓孩子從錯誤中學習

家長習慣前一晚幫孩子收拾好書包,有啲小朋友一直都搞唔清楚自己書包應該有咩用具,放學都唔記得要帶返屋企。家長呢種幫手嘅動作,會降低小孩整理邏輯思維、有條有理嘅能力,亦好大機會影響佢哋銜接小學嘅學習能力。書包可以由小朋友自己執一次,如有遺漏另一日返學必定會知道,呢種錯誤中學習到嘅道理更能深刻記入腦袋。

讓小孩自行分配時間

一起親手製作一個專屬小孩嘅時鐘,俾佢哋學識咩係時間嘅概念,以及安排自己活動嘅時候。例如8 – 9 點係食早餐、10 -12 點係畫畫、下午2-3 睇故事書。每晚臨瞓前可以同小朋友討論今日做過啲咩,有啲咩無做到,可以引導小朋友在控制時間上有無可以改善嘅地方,當孩子可以持續咁跟時間表活動,可以給予獎勵!

【編按:以上內容為作者之個人意見及立場】

相關文章

爸媽請忍手!別看小子女的自理能力

緊貼新冠肺炎最新相關資訊