自家廚房：白酒檸檬蜆

早排一家人食飯，人齊就係時候試煮個新菜式，可以齊齊幫我試下味嘛！

材料都係好簡單，蜆一斤、檸檬一個、蒜頭一粒、芫茜少量及白酒200ml。由於屋企冇白酒，所以我就改用米酒，我估效果都應該係一樣呀。

先將蜆放入約鹽於水中浸約30分鐘，以便吐沙

將檸檬榨成汁及刮少許檸檬皮備用

切碎芫茜

蒜頭切碎備用

先用蒜頭及碎芫茜尾段部分爆香開鑊

落蜆炒一分鐘

加入白酒，剛蓋蜆便可(大約200ML)

之後快手炒炒炒，煮至蜆開殼，然後加入芫茜前段部分

最後分別加入檸檬汁及檸檬皮

再拌勻之後就可以食啦

第一次用檸檬煮蜆，估唔到個味又真係幾夾，整體食落感都幾清新。另外，亦都可能啲檸檬帶起左啲蜆味，所以食落啲蜆肉都好鮮甜呀！

哈哈哈...我依個新餸係合格嘅...YEAH！