自家製作：薑汁撞奶

已經有一段時間想整薑汁撞奶，不過一諗起要榨啲薑汁時，就即刻唔願動工。不過今日天氣凍凍地，好想食啲熱嘢暖吓個胃，所以就的起心肝整俾自己食啦。

慶幸屋企都有少少存貨，所以就可以即興整甜品俾自己食啦。

首先將薑蘑成薑絲用湯匙壓成薑汁。

真係滴滴皆辛苦，好唔容易先可以整到一湯匙薑汁呀。

將薑汁放入碗內攪勻，不要有白色粉沬沉底。

鲜奶煲熱至大約80度，即看見有少少白煙同有少少泡就好熄火啦。

然後快手將鲜奶撞入。

最後蓋上碟子保溫，不可以移動碗，直至等待大概五至八分鐘。

大功告成可以食得啦。

係呢個凍凍地天氣時食啲熱騰騰又有薑汁嘅甜品，真係成個身體都暖笠笠，即刻唔覺凍呀！

雖然薑汁撞奶又真係好好味兼好簡單，不過對我嚟講整薑汁時係需要多少少功夫，所以呢....對於懶懶的我嚟講，都要再搵個良辰吉日先會再整俾自己食啦....哈哈哈！