沖涼洗頭日日都要做，但次次都好似打仗咁！講緊咁由BB除咗衫嗰一刻開始，媽媽就開始精神緊張，好怕佢凍親。一唔小心水太熱，又或者洗頭水入眼，BB又會開始喊......心裡面急到好似熱鍋上嘅螞蟻，但要溫言安撫BB情緒。更莫講有啲BB根本好討厭洗頭呢件事。
一字記之曰：攰。
不過點都好，終有一日BB會大個，識得自己洗頭。到時可能又會懷念呢啲兵荒馬亂嘅日子架啦～
講起洗頭，最近BK BOX終於到手，最吸晴嘅莫過於 Dr.Skin洗護髮套裝！點解？因為啱啱用晒洗頭水，簡直係及時雨呀！
登登燈凳～一早已經知道Dr.Skin配方溫和，而呢一set洗護髮套裝由天然甘菊同銀杏組成。重點係絕無鹼性嘅佢，唔會刺激眼睛。唔使再經歷世界大戰先洗頭到，真係太好喇！（抹眼淚）
本身都擔心會唔會送BB洗頭水，家中嘅半大BB五歲淘氣蛋會唔啱用。但原來佢係適合十二歲以下小朋友，個range都好大下，唔怕收到嘅家長用唔著，幾貼心！
「唔剌眼嘅洗頭水，你～值得擁有。」（笑）
好嘢齊齊分享～大家都記得登記BK BOX喇！
