2020-03-18

1.7K

【幼稚園面試】N班視像面試注意事項 輕鬆展現孩子潛能

受新冠肺炎疫情影響,多間幼稚園避免聚集人群,紛紛將PN班首輪面試改為拍片方式進行,唔少家長為此感到相當苦惱:「到底應該拍啲乜?」、「我又唔係KOL,點識拍片呀?」

隨之而來,大大小小嘅拍攝團隊都即時趁機推出面試拍攝套餐,不過拍片佢哋就係專家啫,講到幼稚園面試範圍,應該都唔係人人知喇啩,最多咪有自身經驗!而且視像面試絕對係新鮮嘢,若然拍到好似做戲咁,又會唔會唔夠寫實?反映唔到孩子日常生活真性情呢?

「In 小朋友禮唔禮貌、in 家長態度居多。」

「間間學校準則唔同啦。有啲睇小朋友、睇家長、睇家境。」

「PN係睇家長,K1睇小朋友同家長;尤其名幼。」

討論區熱話:學之園n班面試
討論區熱話:對於面試收生準則有感

更多文章:多角度拍攝、光線位!拍片面試貼士+注意事項+3個拍片程式推介

先唔講視像面試,其實幼稚園面試本身對於父母嚟講,已經係一種迷思,咁細個嘅小朋友可以做啲乜?幼稚園到底用乜嘢收生準則去㨂學生?有唔少過來人都從經驗中得出結論,PN面試過程,小朋友做唔做到各項指令,其實都唔係最重要,隨時老師合眼緣仲緊要,另外,父母表現都係一個重點,若然過份緊張或者麻麻煩煩 ,都會影響老師嘅決定,與其係咁,不如輕鬆少少做返自己,因為其他嘅嘢,你根本控制唔到。

討論區熱話:學之園n班面試
討論區熱話:對於面試收生準則有感

講返視像面試,其實從一般面試去分析,每間學校都有唔同嘅收生標準,大致上老師都係想睇幾樣嘢,好似係小朋友嘅服從度、手肌運用、學習程度等,而有啲學校就會比較重視親子關係,所以拍片嘅時候,記得留意以下幾點:

1. 展現家長與孩子真實一面

家長可以以對答形式去令老師掌握小朋友嘅學習程度,好似問下佢叫咩名?今年幾多歲?從而展示同小朋友嘅關係,同溝通模式,但要注意力度,過份排練或操控,成效或者未必好。

2. 小手肌運用

幼稚園面試要測試小手肌能力都可以話係必考題,作為家長又點先可以透過拍片話比老師知?其實一般小朋友玩具都有訓練手肌嘅作用,好似玩砌圖、舀珠仔、扭螺絲等等。過程中,仲可以展示小朋友耐性同解難能力。

3. 親子關係

上面都講到,有啲學校就會比較重視親子關係,所以拍片時,最好都有父母出現嘅畫面,若然父母一方要負責揸機?就要考慮替換時間,又或者「聲演」夠唔夠喇!

4. 閱讀分享

最後,亦可以考慮以閱讀分享呈現小朋友靜態一面,從中仲有可以比老師睇到小朋友專注力發展!

【編按:以上內容為作者之個人意見及立場】

相關文章

【幼稚園面試】多角度拍攝、光線位!拍片面試貼士+注意事項+3個拍片程式推介

緊貼新冠肺炎最新相關資訊