2019-07-18

6.6K

【10分鐘故事訓練 ★小朋友語言能力Level Up!】

同家長媽媽傾開湊仔經  好多時都會擔心小朋友未肯講野 又或者擔心音準問題
而且每個小朋友言語表達能力發展速度大不同
以包包同細佬b同齡語言發展比較 女仔似乎較叻
就快4歲既包包講野已經大人化
為左令佢更上一層樓 今次同佢試玩由香港言聽中心獨家授權出版
由言語治療師編製的教材 (我都說得對2- 香港廿天遊)

教材結合故事敘述以及篇章理解訓練理論   對象由幼兒  小學生到中學生
從淺入深 活學活用   所以深受家長同教育工作者歡迎
入面包含故事大小圖卡 提問卡同埋六何問題轉盤

今次 (我都說得對第二版)相當貼地
主要圍繞20個香港景點設計 題材更貼地
大大提升小朋友嘅共鳴感
仲可以增加小朋友對香港嘅認識
今個暑假可以跟住(我都說得對2-香港廿天遊) 帶二寶好好認識香港

教材內既故事卡生活化  場景設於如香港國際機場   中環摩天輪
欣賞煙花等  大大提升小朋友既興趣  真正從玩樂中學習

玩法相當簡單
我哋就以包包最愛既海洋公園故事卡為例  同大家介紹一下遊戲玩法
每日只需簡單十分鐘親子小遊戲   就可以增強小朋友嘅語言能力

Step 1. 一分鐘 熱身遊戲

首先將故事大圖卡拎出 請小朋友細心觀察圖畫內容
然後家長就可以向兒童發問提問卡裏面預設嘅熱身問題  加強小朋友對圖卡內容嘅注意及觀察力

Step 2. 兩分鐘 你聽我講

家長保留故事大圖卡
並將提問卡嘅預設故事講出嚟
小朋友聽完故事之後
需要留意係講緊邊一張圖卡 與內容相符 再正確指出相對圖卡

Step 3. 三分鐘 六何挑戰站

同小朋友完成第一二部分
就可以拎出六何問題轉盤玩問答遊戲  包包非常期待哩個環節  因為有得轉轉轉
首先請小朋友透過轉動轉盤轉出問題 (何人/何地/何事/何時/如何/為何)
家長按提問卡嘅六何挑戰站  向小朋友發問同哩個故事有關既六何問題

如小朋友年齡相對較細  好似包包咁
家長可按提示卡俾tips或以選擇題形式提問 鼓勵作答

Step 4. 四分鐘 你講我聽

完成聆聽理解練習之後家長就可以同小朋友交換角色
今次就到小朋友自行從小故事卡中抽出一張 再根據內容創作故事
小朋友講完故事之後   家長就要估下小朋友究竟係講緊邊一張故事卡

包包玩後感: 好玩~ 因為故事場景熟識而且有故事聽  不過最後Step4就未做得好好
佢可能講得出張圖卡嘅重點 但未能豐富故事內容
家長可以之後從旁指導 例如故事開場白 可以講下佢地朝早定下晏出發 坐邊種交通工具或者咩原因去海洋公園
從而教小朋友豐富故事內容 仲可以幫小朋友既詞匯庫增值
透過玩小遊戲 同時仲可以訓練小朋友眼明手快 學場景生詞
至於(你講我聽)環節 小朋友更可發揮創意說故事

久而久之 衹要每日同小朋友練習十分鐘
你就會發現小朋友講嘢進步神速 更有組織能力

隨著科技進步 小朋友專注電子屏幕多於圖書玩具  導致語言發展倒退
作為家長一定要好好限制小朋友既使用時間 以免過份沉迷

所以香港言聽中心同大家分享咗一啲鼓勵小朋友多溝通多説話既小TIPS

TIP 1:為孩子營造豐富嘅溝通環境

TIP 2 : 家長促進兒童語言發展嘅四大技巧


文末送禮 GIVEAWAY

詳情請留意 包包陪細佬b看世界 FACEBOOK專頁~

GOOD LUCK!


今個星期三(17/7 - 23/7) 香港言聽中心會喺書展同大家見面
booth no. #攤位3C_E14
教材介紹: bit.ly/2XkGrJd
如果讀者們對佢地教材嘅優惠有興趣
可PM 包包陪細佬b看世界 FACEBOOK專頁查詢  *一人限用一次

【編按:以上內容為作者之個人意見及立場】

相關文章

緊貼武漢肺炎最新相關資訊